المساعد الشخصي الرقمي


مشاهدة النسخة كاملة : الوقت له ياسامع العلم دوره



الشاعر محمد الحربي
27-04-2019, 08: PM
اشره على شاعر يوظف شعوره
في غير حق ومقصده كسب الاعجاب

مايدري اني ماحسبت لحضوره
سوى سوى كانه حضر او بعد غاب

والوقت له ياسامع العلم دوره
لولاه ماميزت الاعدا من احباب

كم واحدن للعين بين قصوره
باع الاخوه وانتهج نهج الاغراب

ماقدر اني كنت اجبر كسوره
واني لعينه ما أحسب للاتعاب

ما اسرع مابانت فالرديه اموره
دور على احسابي تلفت له ارقاب

سلام ياللي فالمواجيب نوره
ساطع وفعله مقنع اصحاب الالباب

على وليد اللي بعيده شبوره
عن عالمن تكذب تجامل وتغتاب

ومن عقبها ياشاعرن في بحوره
مبدع وتقطف كل مالذ ثم طاب

مثلك اجله واحرص اخذ بشوره
رد الخبر لاجاك ماخط بكتاب

اللي معي قد خاب صوتن وصوره
هل انشده عن الدوافع والاسباب

ولا اطنش حضرته دام زوره
مهبط ردى ولساق الاصحاب شذاب

ابوشامي


جتني قوافي بالمعاني فخورة
من شاعر وافي ونحسب له حساب

جتني قوافيّه بريحة بخورة
وطيب الوفا في ذمتي خير الاطياب

اما بعد وان كان تبغى المشورة
من شاعر يعرف مواجيب الاصحاب

جربت انا صكة سريعه وفورة
في رفقة اللي بالمواقيف كذاب

قدامنا يضحك بنفس سروره
وبضهورنا كشر بحقده وبالناب

هو يحسب انا ما كشفنا غروره
وحنا نعرف الذيب ونميز الداب

اقسم برب البيت نفسي جسورة
وسم الحنش تنهيية ضربة بمشعاب

لكن تعاملنا بنفسٍ صبورة
واكرمت نفسي عن مجاراة نصاب

خله مع الايام يحصد بذوره
ومن يحصد الاشواك لابد ينصاب

للقاع باب وعزتي ما تزورة
والاش يفتح للردى عشرة ابواب

ناس بصوت الحق دايم جهورة
ما همها بعض المناصب والالقاب

وناس تعيش بغيضها ومحشورة
وتموت ما تذكر سوى كانت اذناب

وليد محمد الحربي

المنادي
01-05-2019, 02: PM
الف شكر.....

الكناني
01-05-2019, 02: PM
بالتوفيق......

المهلب
03-05-2019, 03: PM
الف شكر....

المعلمي
09-05-2019, 04: PM
بالتوفيق.....

المنادي
24-12-2019, 01: PM
عساك على القووه