المساعد الشخصي الرقمي


مشاهدة النسخة كاملة : علمها.. وشلون لامرت على بالي..



الشاعر محمد الحربي
06-05-2010, 10: AM
علمها.. وشلون لا مرت على بالي..

ياصاحبي جيتك.. اشكي لك من احوالي..
جيت.. وما دامك رفيقي.. ليه اطولها..
العلم.. ومافيه.. يا أول واخـر آمالي..
عندي رسالة.. ولا ادري كيف أوصلها..
للي سبتني.. وانا من قبلها سالي..
ابيك توقعي معي.. وتروح تسألها..

وش فيها تفتح علي ابواب عذالي..
تحمّل النفس.. حاجة ما تحمّلها..

وش فيها.. رغم الوفا تتركني لحــالي..
وأنا لجفاها تركت الدنيا بأكملها..

ان كان هذا زعل.. علّمها يالغالي..
ما كان قصدي ورب البيت ازعلّها..

علّمها واللي يخلي قلبك الخالي..
عن ضيقتي وين وصلت من تجاهلها..

علمها كم لي وانا ما شلت جوالي..
كله عشان ما اقلّب رسايلها..

علمها.. وشلون لا مرت على بالي..
اروح واضم صورتها.. وأقبّلها..

وعلمها.. كيف انشغل عن كثرة اشغالي..
واسرح واغمض عيوني واتخيّلها..

علمها عني وعن همي وغربالي..
علمها عن كل حاجة فيّ تجهلها..

وان شفتها دنقت تبكي على حالي..
إنس الكلام.. وتذكر كلمة وقلها..

قل: شاعرك يعتذر ويعاهدك تالي..
إنه يرتب حساباته من اولّها..

ويقول: حتى القصيد اللي على بالي..
والله ما عاد اكتبه كانه يزعلّها..

تقبلو تحيات /لاأعلم شاعرها




التوقيع :

البرضاوي
06-05-2010, 01: PM
شكرا اخي العزيز
حقيقه اختيارموفق
بارك الله فيك

أبو صقر
07-05-2010, 01: AM
ألف شكر أخي الكريم .......

مَـلآك إْلـرُوح
08-05-2010, 04: AM
اختيار جميل يعطيك العافيه ولا عدمناك