يامتعب أفذاذ الملوك بحلاياك
مرحوم ياراع الصفات العظيمه
لو ينفدى من موت رجال نفداك
بارواحنا نفديك شيمه وقيمه
ارحم ملكنا ياوليي طلبناك
ويالله تصبرنا وفاته الاليمه
وشلون يابو متعب الشعب يسلاك
بعدك جموع الشعب صارت يتيمه
عسى جزاك الخير في جال مولاك
ونفسك عساها في جنانه مقيمه
صعبن على حروف الشعر تبلغ رثاك
والصدر ربي عالمن قدر ضيمه
ياللي حيينا دوم في خير يمناك
مرحوم ياراع الكفوف الكريمه
افنيت عمرك ياابيض الوجه ورضاك
مقرون برضانا بنيه سليمه
صقرن حييت وماتوا ابعهدك اعداك
وحاربت اهل البغي واهل الجريمه
غيبة شمسن للفتن واهل الاشراك
ومنعتنا شر النفوس السقيمه
حسب الشريعه دايم الدوم ارياك
رجلن كريم وفيك نخوه وشيمه
ياواحدن قدرك من كان يشناك
وقدر مواقفك العظام الحكيمه
ياسيدي وان مت تبقى سواياك
كنها قمر يضوي ليالي عتيمه
ابكي واقدر كل موقع لماطاك
مفارقك صدمه وفجعه جسيمه
وتبكي عيون العرب في يوم فرقاك
يالله عسى قبرك تعاوده ديمه
عزاي بانه امر من رب الافلاك
لولاه موتك يشهد الله ظليمه
في جنة الفردوس يارب محياك
وعساك من ربي تكافا نعيمه
يرحمك ربي ياملكنا ويجزاك
ادعي وتدعي لك قلوبن رحيمه
يالله طلبتك يالولي واترجاك
تكتب لابن عبد العزيز الغنيمه
عبدالله عبدك خالقي لاذ بحماك
يارب تسقي قبره اليوم غيمه
