{... أمير في عآلم حـقير ... }
,
,
البارحه والحزن يجري بالحشا مجرى الغدير
.................................... عزيت نفسي من خطايا الناس يوم افطن لها
واقلبي الي كل يوم يلوع بـه همـن يجيـر
.................................... مليت ياقلبي وانا اصفـح للخلايـق غلهـا
ماعاد تنفعني الجمايل لو تجملـت الكثيـر
.................................... طحت بمحابيل الظروف القاسيـه وبذلهـا
اتعبت ساقي مادريت إن الجبل دربه عسيـر
.................................... ياعل رجلي ماتثنـى فـي طلوعـه علهـا
ماني على ماقيل طفلن في بداياتـه صغيـر
.................................... لو قلت له وش يجرحك شفت الدموع يهلها
عمري مضى ياللأسف امير في عالم حقيـر
.................................... دمحت زلات الرخـوم الـي علـي تزلهـا
واليوم من فيض الندم جريت موال الضرير
.................................... تلتنـي الاقـدار معهـا ماقـدرت اتلـهـا
كبدي يولع وسطها من لاهب الحرقه سعيـر
.................................... حتى الحبيب الي ذخرته بالوصـل مابلهـا
مليت اجامل واقعي بإحساس مقطوع النظير
.................................... وسيوف عدواني بوجهي كل يـوم تسلهـا
وانا سلايل مفحمين الخيل من نسلن نديـر
.................................... نسل الحروب الفيه الي محتمي في ضلهـا
شديت عزمي واول الفرسان مايرجع اخيـر
.................................... يحل صعبات الامور ان كـان طـول حلهـا
القيض مايرحم ضعيفن من لهيبه يستجيـر
.................................... والليل ضاع بضلمته راعي العوارف كلهـا
ياقلب لايطري عليك الهم ثم تصبح كسيـر
.................................... خل الهموم الـي ترفـك بالمواجـع خلهـا
نعيش بالدنيا كذا من دون تحديـد المصيـر
.................................... والله يعلـم بالخفايـا دقهـا مـع جلـهـا
مافات مايرجع وانا مما جرالـي مستخيـر
.................................... اخذت عبره من حياتن فايتـه بفطـن لهـا
