هنـــي اللي أبوه حـــي وينشـــافي
آآهـ دقات قلبي تزيدة بـحرةٍ فيها .. و الدمع من مهجتي بالحزن ذرافي
من لوعةٍ ياعسى ربي يجليها ..إمـا غشتني بغم و تنفض أطرافي ..
ليت الليالي تعود بحلو ماضيها ..هيهات ترجع بمـا روّح و ماطافي ..
كلن يعزي وأنا روحي أعزيها ..رحيل أبوي اللي بالأفضال معطافي ..
آهـ من الوقت والدنيا أثنيها ..دنيا تفرّق شمل بالحيل تنعافي ..
بسمتك ياوالدي مانيب ناسيها .. تضحك اذا شفتني بالخير متعافي
ليت العمر ساعة تنباع و أشريها .. بأغلى ثمن يايبه للعمر تنضافي ..
مسجدك مشتاق للآيه وتاليها ..منبرك من عقب مافارقت له طافي
غرشتك من عودك بدرجك أغطيها .أشم ريحه و كأنك مقبل و لافي
نظارتك شلتها حزني يبكيها .. حتى المساويك لاحت بين الأرفافي
عصاك مسنودةٍ جيت أباحاكيها ..تقول يكفيني مافيني ترى كافي ..
بستانك اللي به النخلات تسقيها ..جدد سواقيه تمره دون خرّافي
يبه يبه يايبه .هي لو ابطريها .. هني اللي بالله أبوه حـي ٍو ينشافي
فنجال قهوة معاك أوقات ٍ أغليها .. و يضمني في الشتاء في مشلح ٍ دافي
همزت رجليك أنا أفدى مواطيها .. أرجي لبرّك عسى ماتشكي خلافي
الأرض ضاقت علي بأوسع فيافيها ..لاذقت نوم ٍهني والأنس متجافي
فضايلك يايبه عجزان أوفيها ..لو صغت بالشعر بيت الألف من قافي
ياارب تجعله للفردوس ناصيها .. و من ثمار الجنان الخضر قطافِ
**نالت اعجابي بكل حرف فيها ..
و اكتملت بصوت المنشد المبدع/ سعد الطلحة
اتمنى ان تنال اعجابكمـ
**وفي الخـــــتام /أرجوا ممن يــرد أويـــمر على الـــموضــــوع الــــدعاء لوالدي بالرحـــمه والمـــغفرة....
رد: هنـــي اللي أبوه حـــي وينشـــافي
رحم الله والدك وكل اموات المسلمين
واختيار موفق اخي ابوعبد الله
بارك الله فيك
رد: هنـــي اللي أبوه حـــي وينشـــافي
الله يرحم والدك والمسلمين اجمعين
وشكرا اخي على هذه القصيده
رد: هنـــي اللي أبوه حـــي وينشـــافي
اقتباس:
المشاركة الأصلية كتبت بواسطة البرضاوي
رحم الله والدك وكل اموات المسلمين
واختيار موفق اخي ابوعبد الله
بارك الله فيك
جزاك الله خير والله يقبل دعائك اخي البرضاوي
رد: هنـــي اللي أبوه حـــي وينشـــافي
رحم الله والدك والمسلمين اجمعين
واختيار موفق
بارك الله فيك ياابوعبد الله
رد: هنـــي اللي أبوه حـــي وينشـــافي
اقتباس:
المشاركة الأصلية كتبت بواسطة السيف
الله يرحم والدك والمسلمين اجمعين
وشكرا اخي على هذه القصيده
جزاك الله خير وتقبل الله دعائك
رد: هنـــي اللي أبوه حـــي وينشـــافي
رحم الله والدك وكل اموات المسلمين