رثاء في اخي عبدالله بن عامر رحمه الله
ياالله يامنزل الما في مشاريـــبه = يالوالي الراحم اللي ترحم الشــيبه
ترحم عبادك وتغفر ذنب مذنبهم = يامدبر الكون تعلم سره وغيـــــــبه
اغفر لنا لاجثينا عند بيـــــــبانك = هون علينا القدرباقسى مكاتيبـــــــه
واحنا بشر ما نرد الموت لاجان = قد قالو الضيف يرحل عن معازيبه
بيت للاجواد لكن جيت امثل به = من هاجس زاد في قلبي لواهيبـــه
تكا على القلب يوم فراق بن عامر= شيخ على صــكة الايــــام ندريبـــه
انشهد انه عقيد القوم في ربعــــه = يقفي بوجه الزمان ليا ضهر عيبه
وانشهد انه زناد الحرب لاهاجت = وليا رما يوصل المقصود ويصيبه
وانشهد انه رديف الجنب بالشده = وانشهد انه يسد النقص من جيبه
يموج بالجود موج البحر للساحل = تهتزله بالبحر راسي مراكيبـــــه
ياوجد حالي على اللي كل ما جينا = نقبل بترحيبه ونقفـي بترحــــيبه
ياضيق رحب الجبيل بكل ما فيها = ويا شين وجه الزمان اللي عوا ذيبه
والله يعجز لسان الشعر عن وصفه = والشعر لو ما رثا الاجواد واش ليبه
وتمرالايام يبقى ذكر بن عامــــر= سوالف الليل والركبــــان تسري به
وختامها ياعضيم الجال ياغافر= ياللي تقبل دعا المطر وتجــــــــــيبه
تغفرلاخونا رفيق الدرب عبدالله = ياعالم بالنفوس وتستر العيبــــه
رد: رثاء في اخي عبدالله بن عامر رحمه الله
مرثية رائعة في شخص كان الجميع يشهد له بكل الطباع الحميدة
رحمه الله رحمة واسعة والهم اهله الصبر والسلوان
رد: رثاء في اخي عبدالله بن عامر رحمه الله
اقتباس:
تكا على القلب يوم فراق بن عامر= شيخ على صــكة الايــــام ندريبـــه
انشهد انه عقيد القوم في ربعــــه = يقفي بوجه الزمان ليا ضهر عيبه
وانشهد انه زناد الحرب لاهاجت = وليا رما يوصل المقصود ويصيبه
وانشهد انه رديف الجنب بالشده = وانشهد انه يسد النقص من جيبه
يموج بالجود موج البحر للساحل = تهتزله بالبحر راسي مراكيبـــــه
ياوجد حالي على اللي كل ما جينا = نقبل بترحيبه ونقفـي بترحــــيبه
ياضيق رحب الجبيل بكل ما فيها = ويا شين وجه الزمان اللي عوا ذيبه
والله يعجز لسان الشعر عن وصفه = والشعر لو ما رثا الاجواد واش ليبه
وتمرالايام يبقى ذكر بن عامــــر= سوالف الليل والركبــــان تسري به
وختامها ياعضيم الجال ياغافر= ياللي تقبل دعا المطر وتجــــــــــيبه
تغفرلاخونا رفيق الدرب عبدالله = ياعالم بالنفوس وتستر العيبــــه
صعب الرجال
لا فض فوك قصيدة اقل ما يقال عنها انها راااااائعة
بل تجاوزت حدود الروووعة وقصيدة من شاعر
نفتخر بوجوده بيننا ونفتخر انه من ربعنا !!
اخووووي صعب الرجال
رحم الله ابو محمد فقد كانت فيه كل الصفات الحميدة
ويستحق هذة الابيات والله يغفر له ويرحمه رحمة واسعة
ويجمعنا به في جنات الخلد !!
صعب الرجال
لكـ تحية خالصة وتحمل في طياتها كل حب وتقدير !!
رد: رثاء في اخي عبدالله بن عامر رحمه الله
رحم الله الفقيد وأسكنه فسيح جناته. وبارك الله فيك أخي صعب الرجال ...
رد: رثاء في اخي عبدالله بن عامر رحمه الله
رحمه الله رحمة واسعه واسكنه فسيح جناته
والف شكر
رد: رثاء في اخي عبدالله بن عامر رحمه الله
صعب الرجال
لا فض فوك قصيدة اقل ما يقال عنها انها راااااائعة
بل تجاوزت حدود الروووعة وقصيدة من شاعر
نفتخر بوجوده بيننا ونفتخر انه من ربعنا !!
اخووووي صعب الرجال
رحم الله ابو محمد فقد كانت فيه كل الصفات الحميدة
ويستحق هذة الابيات والله يغفر له ويرحمه رحمة واسعة
ويجمعنا به في جنات الخلد !!
صعب الرجال
لكـ تحية خالصة وتحمل في طياتها كل حب وتقدير !!
رد: رثاء في اخي عبدالله بن عامر رحمه الله
رحمك الله يا ابا عامر واسكنك الله جنانه