بسـم ربـي عـد ذرات الهبـوب
وعد حب الدخن وسـط السنبلـه
وياشراييني ويا نبـض القلـوب
ويا وشوش العقـل لامنـه دلـه
طحت في قاف على جذبه صعوب
مثـل لفـات الحـبـال مفتـلـه
بس وسط النفس لي قلب تعـوب
والله انـي غيـر اتلـه وانتـلـه
ثم اوجها على صـوب الجنـوب
صـوب رجـال رفيـع المنزلـه
وقت دكات المعـارك والحـروب
زلـزل الاقـدام تحتـه زلـزلـه
ذاك ابوي يسد ثغـرات الـدروب
سيف صارم من طعن بـه يقتلـه
ذاك رجل لاحصل وحـده ينـوب
نوبة الرجـال عـن باقـي هلـه
شبل عود لارجف خوف القلـوب
يـوم دكـات القنـا والهـرولـه
مثل برق لا على فـوق النصـوب
حلها لو كانـت أصعـب مسالـه
همس شعري جا على اورقي يذوب
في حنايا النفـس كنـت اتحملـه
من معاني الطيب البسها طيـوب
جت تبختر فـي ربـاه وساحلـه
لي طلب عند الهبايب في الجنوب
تاخـذ المعنـى لبـوي توصلـه
وختمهـا يالله غفـار الـذنـوب
رحمتـك والعفـو فوقـي تنزلـه
