تدري وش الي يضيق الصد والبال
يوم الردي فالوقت يحسب حسابه
تدري وش الي يتعب النفس والحال
الزله الي جات بين القرابه
تدري وش الي يمحق الرزق والمال
البعد عن نهج النبي والصحابه
تدري وش الي يخلي دروبك الطوال
خوتك مع راع الوفا والمهابه
تدري وش الي بين الأجواد ينقال
الحق والمعروف يامرحبابه
... ... تدري وش الي يجعل الناس بهبال
العود وطبله وصوت الربابه
تدري وش أردا شي مابين الأبطال
أنك تقفى واحد(ن) في غيابه
تدري وش الي يفقد النفس الأمال
بحثك ورى المقفي وتطرد سرابه
تدري وش الي يجعل النفس بجدال
الهرج في شي (ن)مايعرف صوابه
تدري وش الي يجعل الرجل يحتال
الصحبه الي ضمها في شبابه
تدري وش الي يجعل الفكر ينهال
وقت الفراغ بدون فن وكتابه
وتدري وش أفضل شى في كل الأعمال
طاعت كريم(ن)كل واحد درابه
وتدري وش أكبر شي في كل الأحوال
الواحد الي مايخيب الرجابه
