أنتبه وياي للبيت الأخير!!

انتبه وياي للبيت الأخير

---------------------------------

قالوا امدح شيخ والا امدح امير
لجل تكسب من مديحه فايده



قلت انا في خير واحوالي بخير
ليه ادور شي ماني رايده .؟




ادري ان مال الكبير الا الكبير
الرجال تقاد والا قايده




اكره اثنين : المنافق والحقير
تستقل طيب الرجال الرايده




ان مدحت امدح وانا وجهي سفير
مدحت للحق ماهي سايده




وكانها ماجات من قلب وضمير
مدحتي ذمه بحقه كايده




وش علي ان صاد له طير يطير
لاهو بطيري ولاني صايده




من خلقن الله احب اكون غير
ما احب اكون حاجه زايده




الفقر ماعذرب اخلاق الفقير
في السنين الحاضره والبايده



في الزمن اشياء تعني لي كثير
التمام الشمل حول المايده



ومنظر البسمه على الطفل الصغير
في نهار العيد يوم تعايده



قلتها وعذري يصير اللي يصير
كل راس يرتخي لوسايده




انتبه وياي للبيت الأخير
اسمعه مني ولاني عايده





تدري وش معناة رجال حقير
من يصاحب رجل لجل الفايده

(منقوووووووول)

تدري وش معناة رجال حقير
من يصاحب رجل لجل الفايده
كلام جميل جدا اخي
واختيار موفق
وفقك الله00

ياسلام على النقل المميز

تدري وش معناة رجال حقير
من يصاحب رجل لجل الفايده

نقل جميل جدا

من خلقن الله احب اكون غير
ما احب اكون حاجه زايده



مشكور اخوي الراجحي وموفق

شـكــ وبارك الله فيك ـــرا لك ... لك مني أجمل تحية .

شكراًللجميع لاعدمناكم....

بار الله فيك اخي الكريم وشكرا على هذا النقل المميز

شكراً لمتابعتك وحرصك كل الشكر.....

مشكور اخو ي اختيار جميل لك تحياتي

اقتباس:

---

المشاركة الأصلية كتبت بواسطة نواف بارسا

مشكور اخو ي اختيار جميل لك تحياتي

---

الشكر لك حياك الله..

اكره اثنين : المنافق والحقير
تستقل طيب الرجال الرايده
اوا فق الشاعر في الكلام

اقتباس:

---

المشاركة الأصلية كتبت بواسطة عبدالمحسن

اكره اثنين : المنافق والحقير
تستقل طيب الرجال الرايده
اوا فق الشاعر في الكلام

---

هلا وغلا اخوي...