محاورة بين الشاعرين الطلحي وبن حوقان
البدع:
يقول عبدالله ماجاء جيلاً إلا فنى جيل
والجيل الأول معلمنا عن الشين والهيل
كلاً يقول إحفظ لسانك وللهرج معناه
إعرف معاني كلام الناس وإدّلّ معنى
الرد:
الشله اللي عليها ما تدار الفناجيل
ما ميزوا ريحة الدخان من ريحة الهيل
والمجلس اللي على عطر المباهر جمعناه
للشعر معنى وللمحماس والدله معنى
محاورة اخرى بين الشاعرين ابوتراحيب والبقيلي
ابوتراحيب
ياسلام الله يامازن ذخر عبدالله البقيلي
يامؤسس منتدى الحكمه ويا حضرة مديره
من هجوس الشاعر اللي لاذليل ولاكليلي
لاني امصغر كبار ولاني امكبر صغيره
مازن
مرحبا بالشاعر اللي لاضعيف ولاذليلي
لابدع له بدعتن قلنا عسي في العلم خيره
عاشق المسحوب لويلعب على البحرالطويلي
كلها عندي سوا في الاوله والا الاخيره
ابوتراحيب
البقابك وانت مثل الحيدمرسي ماتميلي
ماحناك الوقت القشر ضمن عميان البصيره
انته اللي مانبي بعدك صحيب ولا زميلي
وابيموت اغليس ومكاري وميتتهم مثيره
مازن
البدو ترجي المخيل وكفها وسط المسيلي
مادرت بان المخايل عند علام السريره
ليت مالي في البلد صاحب ولاحد ينتمي لي
كان ماطفيت نار ولاتحملت السعيره
ابوتراحيب
يشهدالله ماغدالي لاكثير ولاقليلي
دون مالي محتمي ماضاع لي وزن الشعيره
بعد جا وقف الملك غطا على وقف الكهيلي
والعهدمحفوظ والميثاق مابدل بغيره
مازن
انت ياعابدمقدم ماتقدم لك دليلي
كل ماحليت لك ديره وصل ذكرك لديره
الفقارا ودها تاخذمن املاك الرحيلي
والرحيلي طالب الاثبات للناس الفقيره
ابوتراحيب
اللي ماتدرك معانيهاترا المعنا ثقيلي
لاتسريها كمااللي فالخلا يشعب بعيره
لوعطوكم خير اهل جيزان وشتقدر تشيلي
وان تبنو لك حصانت شيخ كم ورث العشيره
مازن
كلنا حسب العوايد والسواير ياعميلي
لاوقفنا في الدروب ولاتعدينا المسيره
المصارف قفلت ماعاد في المصرف حصيلي
ماطمعنا في قليل المد والافي كثيره
ابوتراحيب
اعرف انك تمشي ابساير مزبنت الدخيلي
مير مانته بمغثرب جمت العد الغزيره
سيف ابو شرين قبل العام ماقص الفتيلي
مير هذا العام قالو يضرب الراس ويطيره
مازن
كان بنت النيل ماتبغى لها رجال نيلي
لاتطالب بالحقوق ولايجي في القلب غيره
والله انك لو نصيت القوم من جيلك لجيلي
مانقصر في السلاح ولانقصر في الذخيره
ابوتراحيب
انت لك ماقف مع الهذلان في ماقف جميلي
من تمنا الستر يبقى في ضلال وفي ستيره
جيل له عندي ضمان وجيل بيه حطه وشيلي
بين شيل وحط يرغي اللي قبل كثر هديره
مازن
ياهل الساحل عن العجه خذوا منحي بديلي
لايثور العج ويغطي البصر قبل البصيره
كيف تعطون الضمان اللي مختمه الوكيلي
ماتهابون السيوف اللي لها ضربه شهيره
