الشاعر إبراهيم الحربي ينعي الملك عبدالله ويبايع الملك سلمان .
http://cdn.sabq.org/files/news-image/377252.jpg?663197
البارحه بقلوب يملاها الإيمان
جانا الخبر وفاة صقر الجزيره
موت المليك اللي على الظلم برهان
اللي حكم شعبه بصبر وبصيره
والدار في عهده على خير وأمان
اقصى فيافيها عمار ومنيره
اللي حكم بالشرع سنه وقران
وصارت من علوم البشر مستنيره
مرحوم ياللي كل شعبك لك اخوان
من جا يبي يبني الوطن تستشيره
مديت كفك بالعطا وين ما كان
واصلحت نفسك في العلن والسريره
يا اعظم ملك في خدمة الحق ما لان
شعبه غشاهم مد كفه وخيره
مرحوم ياللي كنت للعدل ميزان
وعلى دروب الخير قدت المسيره
والشعب عقبك بايع الشهم سلمان
كل الوطن بايع صغير وكبيره
نلطم بها في وجه كاذب وخوان
ونلطم بها كل النفوس الحقيره
حنا الوطن حنا الملك ربع وأعوان
وحنا الصقور الجارحات المغيره
لجل الوطن نوقف على كل ميدان
ولجل الوطن نرخص دمانا غزيره
ياسيدي وقفة محبه وعرفان
رفرف علمها في سما كل ديره
تعلن لك البيعه على سمع واذعان
سلمان ياللي لك على المجد سيره
ولنايبك مقرن على ارض الوطن شان
راع المواقف في الامور الخطيره
ولمحمد النايف على الصدق عنوان
الشعب بايعكم كبير وصغيره
والحمد لله في رخا خير وايمان
وآمن الوطن دونه صقور الجزيره
النص الاساسي لقصيدة للشاعر إبراهيم الحربي
والتي تم التعديل عليها بالخطأ في صحيفة سبق
تم التصحيح
http://sabq.org/yCwgde
رد: الشاعر إبراهيم الحربي ينعي الملك عبدالله ويبايع الملك سلمان .
صح لسانك يا شاعرنا ورحم الله ملك الانسانية
رد: الشاعر إبراهيم الحربي ينعي الملك عبدالله ويبايع الملك سلمان .
صح لسانك ياشاعرناورح ملك الله ملك الإنسانية
رد: الشاعر إبراهيم الحربي ينعي الملك عبدالله ويبايع الملك سلمان .
رد: الشاعر إبراهيم الحربي ينعي الملك عبدالله ويبايع الملك سلمان .
رد: الشاعر إبراهيم الحربي ينعي الملك عبدالله ويبايع الملك سلمان .
وفق الله الجميع الى ما فيه خير الامة
رد: الشاعر إبراهيم الحربي ينعي الملك عبدالله ويبايع الملك سلمان .
رحم الله جميع اموات المسلمين
رد: الشاعر إبراهيم الحربي ينعي الملك عبدالله ويبايع الملك سلمان .
صح لسانك ياشاعرنا عساك ع القوه.....