اللي موردني علـى حـوض الهـلاك
جعـل المصايـب كلبيهـا ماتجـيـه
العاقـل الفاقـه عنـيـد الأحتـكـاك
مـدلـعٍ خلـقـه ولكـنـه نبـيـه
يـارب صخـر لـه دواك يضـد داك
واستر على وجهه من عيون السفيه
غرٍ جمالـه يبعـد همومـي هنـااااك
جمال وجهه غير عـن كـل الوجيـه
شفته على غفله واحسب انه مـلاااك
ونشبت عيوني فيـه تبغـى ترتويـه
قلت السلاام, بنبـرةٍ فيهـا ارتبـاك
رد السـلام وضحكتـه تغلـب عليـه
قال انت عاقل؟ قلت لين الحق مـداك
من يوم شفتك والعمر يقصـر مديـه
قال انت صاحي؟ قلت جننـي حكـاك
كلامك الـذرب الحكيـم امـوت فيـه
قال انت فاقد؟ قلت مقصـودي معـاك
وللحين ماجبت السـؤال اللـي ابيـه
قال ايش قصدك؟ قلت خلاقك عطـاك
عقل وذكاء وانا سؤالي لـك وجيـه
قال انت هايم؟ قلت ذابحنـي غـلاك
لوك سئلت مـن البدايـه قلـت ايـه
قال احسب ان لأول بيبحث لي خفـاك
الين جيت اخر سـؤال وتهـت فيـه
وعرفت فيك الشاعر اللـي ماسـواك
يميـل لـه قلبـي ويعشـق راحتيـه
قلت العمر,, قال العمر جعلـه فـداك
العمـر يفنـى والمواصـل يبتـديـه
قلت الوصل؟ قال الوصل هو مبتـداك
واليا قطعتـه ضـاع شـيٍ ترتجيـه
قلت الرجاء؟ قال الرجاء والله بـلاااك
ساعة رجاء والصبر قلبـك يشتويـه
قلت الصبر؟ قال الصبـر يالله حمـاك
نبذة عـذاب القلـب مايقـدر عليـه
قلت انت.. قال انا بشر يتبـع نـداك
قلت اصبر!! ابغى اسئلك يالعقل النزيه
انته تحرصني عشان اتبع ارضـاك؟
العمر يفدى العمر لـو تامـر عليـه
ياجمل من البسمه على راحة شفـاك
واغلى مـن الدنيـا وشـيٍ تحتويـه
قـال اليالـي لاتبيّـن لـي جـفـاك
واقفى وهو يضحك ويشر لي بيديـه
قلت الـودااع الله لايقصـر خطـاك
ياللي جمالـك فالبشـر مالـه شبيـه
واقفيت انا ويا همومي فـي عـراك
الله يعين القلب يصبـر ليـن اجيـه
صحيح وردني على حـوض الهـلاك
لكـن هـلاك الـود والحـب النزيـه
للشاعر /صالح آل مانعه المري
