الحظ ذيب وحلمي اليـوم رجـال
مبصر ويشعل في هجوسي قناديل
لو في عيونه للرها خيّـل خيـال
يرخي كفوفه طيب مايبَخَس الكيـل
ملئ السنابل تنحني جود وإجـلال
واللي علت تشمخ تكبر كمـا قيـل
تضحك سنابلها من الجال للجـال
والمشكلـة مافالسنابـل محاصيـل
حلمي عفيف ولا عرف كيف يحتال
حلم القفار الجرد لإرماشة سهيـل
يبذر حبوب الصبر في ضيقة البال
يرجي عطاهـا فالليـال المقابيـل
يطرد سراب الفال ويضمّر الحـال
يستنشد القمـرا ليـا خيـم الليـل
وقته يسوق الهـم فنجـال فنجـال
ما فاد ضيف الوقت هز الفناجيـل
سدو الليال السود للبيض سربـال
تملى جيوب البيض سود الغرابيل
الحول حال وهاجس الحلم لا زال
متسربلٍ درع الرضا ماشكا الويـل
يطعن ظلوع المستحيـلات بآمـال
يركز على رمح الرجا لاكبا الحيل
والعزم .. لا ماربّطه ياس بحبـال
لكن ناخت به ذلـول المواصيـل
باقي مسافة ميل.. والفكـر خيّـال
يأهل العدل قولو لجمّالـة الميـل
الحظ ذيب و حلمه اليـوم رجـال
والذيب ما يغلب كبـار الرياجيل
قصيده للشاعر/ عبدالخالق السلمي
============
