يقولون....
يقـولـون الـزمـان الاول احــلا مــن زمــان الـيــوم
وانـــا اقـــول الـزمــن هـوالـزمـن والــنــاس تـتـغـيًـر
حقـيـقـه والحقـيـقـه لـــو نغطـيـهـا بــزيــن هــــدوم
وكـذبـه والـكـذب لـــو طـــال دايـــم حـبـلـه قـصـيًـر
يعيبـون الزمـن والعـيـب فيـهـم والـزمـن محـشـوم
تنـاسـوا وش يـقـول الـحـق وان ابــن ادم مخـيًـر
على النجدين يهديهم ولاحد من الخطا معصوم
وهــاذي حـالـة الدنـيـا رجــب مـــن بـعــده قـصـيًـر
الانفس صايـره شينـه ودايـم عنـد روس خشـوم
وتحكمهـا المصالـح والطمـع فـي ارواحهـا سـيًـر
تخلـوا عـن قيمـهـم وأخــذوا سـلـوم الـغـزاه سـلـوم
غـــزاة الــديــن والأخــــلاق والــلــي فـكـرهــم غــيًــر
دعـاة الفـسـق وجـنـود الشياطـيـن وذيــول الــروم
خفافـيـش الـظــلام الـلــي نـعـيـق اصـواتـهـا ذيًـــر
بـنــي عـلـمـان لبـرالـيـهـم يــخــدع رعــــاع الــقــوم
عـســاهــم لـلــذهــاب ولا يـبــقًــي مـنــهــم الـــديًـــر
للشاعر/نمر العتيبي
