في الذكريات للشاعر(( فهد المساعد))

في الذاكره نفحه زهورميته
واشياء كثيره صرت مدري وينها
طفلا يشيل العيد في طاقيته
وام تخش الدمع عن طفلينها
وعيون شايب لو قسم حنيته
على البشركان البشر وش زينها
ورفيق عمر الوقت شح جيته
وبنت قسمت القلب بيني وبينها
ومتغربايقرى جواب ابنيته
اللي تركهافي ربيع سنينها
وشاعربدي الخطوات من مرثيته
اللي تعب يسهر على تدوينها
وجداركانت تنتظرنافيته
نقري بختنافي كفوف ايدينها
واليوم لامن روحت عصريته
رحنانودع بعضنافي حينها
اطفال كلا في فضاء حريته
وبيوت ناس اطفالهاتشقيها
حاره نسي فيهاالزمن عفويته
ميسورهايعطف على مسكينها
ماكنت اعرف الوقت وش هي نيته
الله يجازي الطيبه وتخمينها
ياوش بعدباكر الي مبيته
العمرلوحه في يديك تلوينها
كنك وكيل ادم على ذريته
احلامنا وش فيك قمت تهينينها
سرقت من كف الطفل عيديته
وفرقت كلمه حب عن حرفينها
يارب الزهور الميته
رد الحياه لناس تسال وينها

((( مماراق لي كتبته لكم )))

شكرا على النقل الجميل

تقبلي مروري.......

عساك على القوووه

شكرا جزيلا والى الامام

دمتي في حفظ الرحمن

شكرا والى الامام

يسلمووو على النقل الذوق

يارب الزهور الميته
رد الحياه لناس تسال وينها

فعلا بيت يعتبر مسك الختام

سرقت من كف الطفل عيديته
وفرقت كلمه حب عن حرفينها