راعي الطيب

ماني من اللي لابغى حاجته جاك
واذا نصيته صد عنك وتجاهلك

ولاني من اللي دايم الدوم يشناك
ولا صار له حاجات بالطيب عاملك

ولاني من اللي يشتمك في مقفاك
ولاصرت عنده بالمحبه يجاملك

ولاني من اللي في المجالس تحداك
ودايم على كل السوالف يجادلك

انا عضيدك لا لوى الوقت يمناك
ابشر بمن يوقف معك في مشاكلك

اوقف مع المطنوخ مثلك وشرواك
ياللي تعلمت الوفا من مراجلك

في المرجله والطيب محد(ن)تعداك
راقي بكلماتك وشهم بتعاملك

لامن حكيت الدر يخرج مع حكاك
عقلك رزين وتحترم من يقابلك

لك ابتسامة حب تكسو محياك
لوحة جمال ورسمها في معاملك

بنيت ساس الطيب من يوم منشاك
وعطيت للمحتاج شربك وماكلك

على دروب الخير سارت بك خطاك
وحلوق عطشانه ارتوت من مناهلك

تعاملك بالطيب حتى مع اعداك
خلا جميع الناس ترغب تواصلك

طيبك على فعل المواجيب سراك
وتدمح خطا من كان بالقبح عاملك

ومن كان يزرع لك على دربك اشواك
زرعت في دربه ورود بتساهلك

واللي عطت يمناك تجهله يسراك
ربي على فعل الجزيلات جملك

قول (ونعم)تكثر اذا جبت طرياك
وافعال جزله بالمجالس تمثلك

سبحان من زين طبوعك وسواك
وحسن اخلاقك وبالعقل كملك

انا ادعي الله دوم بالخير يجزاك
ولقمة امجاد المعالي يوصلك

تسلم يمين اللي على العز رباك
اللي زرع فيك التواضع وأصلك

وابعدك عن درب الزلل قبل ممشاك
وعن كل ميله في حياتك يعدلك

واللي خلق آدم ادور على رضاك
ومن طيب قلبك بالمحبه أبادلك

صح لسانك ولا عدمناك

دمت سالما.........

صح اللسانك...يابوسامي

جميل جدا...........

صح لسانك والى الامام

صحت ابدانكم واشكركم على المرور الرائع

عساك على القوووه

يعطيك العافية اخي ......

ابداع ورب الكون مليار صح لسانك

صح لسانك ولا عدمناك

يعطيك العافيه اخووي.....

صحت ابدانكم وشكرا على مروركم الرائع