محاورة لن تتكرر.....

محاورة لن تتكرر.....


مطلق الثبيتي

ياسلام الله على اللـي مايخونـون الأمانـه
يسهرون الليل والعالم من الراحـه رقـودي
يعدلـون ويصدقـون ولايعرفـون الخيانـه
حاكمن شعب الكويت وحاكم الشعب السعودي


صياف الحربي

مرحبا بالمسلم اللي لـه قوانيـن وديانـه
وأنت جندي لخو مريم والفهد ذخر الفهودي
ياطويل العمر مايصلح شجيع بـلا ذهانـه
واحدن ماله ذهانـه لايسـوق ولايقـودي


مطلق الثبيتي

الحريبي لو لقاله واحـدن يقطـع لسانـه
ماتغزل في بنات الهند سمحات الخـدودي
مادرى راشد محارب يوم يسرج في حصانه
كنه الفارس يبا يغزا النصارى واليهـودي


صياف الحربي

ياعتيبه قولوا لمطلق يمرح فـي مكانـه
مايدافع عن بنات الهند ياغير الهنـودي
خل بن سرحان يقضي حاجته بأول زمانه
الشباب اليا أنهزم ماعاد للمسلم يعـودي


مطلق الثبيتي

أعجبك صوت المغني يوم دق الاسطوانـه
مار لاترقص عليها وأنت قرد من القرودي
أنت لو أنك صغير ذقت مـس الخيزرانـه
مار شفتك عود مابك فود جعلك ماتعـودي

صياف الحربي

والله اني لمسك احلوق العرب كيـد ولعانـه
والرصاصه من حزامي والشراره من زنودي
وأنت عينك يالثبيتي مثـل لـون البرتقانـه
مثلها هاك السنه صفرا ماتنقص ماتـزودي


مطلق الثبيتي

لايغرك واحدن خداع لـو أبـدى ثمانـه
الرماح أطول رموشه والصواريخ النفودي
وأنت حربي من رجالن مايعرفون الرطانه
مار لاترطن ولو حطوك من تحت اللحودي

صياف الحربي

أنت ذيب ولك سنون ولك تحت بطنك بطانه
ماتعشا من كبار الروس يالذيب الرقـودي
الحروب أخذوا فلان وسلموه أمـه فلانـه
اسمع الكلمه ولاتجحد ترى عندي شهودي


مطلق الثبيتي

واحدن قلبك يحبه ماتفق شاني وشانـه
والغنيمه دسها تحت العباه أم اللبـودي
الثبيتي في مكانه ماتحرك عـن مكانـه
وأنت نارن طالعن دخانها من كل عودي



صياف الحربي

يصبح الصبح وتبين الشمس وتطير السمانه
وانت طيرن مانبتلك ريش والوقت محدودي




رحم الله الشاعرين وسلامتكم , , ,****
المحاوره هذي كان صياف يدافع عن العراق وصدام حسين

ومطلق كان يدافع عن الكويت.

نعم لن تتكرر....

شكرا على الجهد

دمت بود. ....

بوركت أخي. ....

عساك على القوه

عساك على القوووه

رحم الله الجميع

عساك على القوووه

عساك على القوووه