طلبت البعد في وقتٍ أبيك تكـون بـه يمنـاي
على امرك يابعد نبض الخفوق وهاجسي ومناي
مدامك ماتبي وصلي أنـا وش عـاد يبقينـي
أبحفظ مابقى لي من كرامه وأستحـث خطـاي
على درب الغيـاب وويـن مـاودى يودينـي
واذا هفهف على صدري هواك وحدني لاقصاي
دعيت الله يطمن في بعـادي قلبـي وعينـي
وطلبته مثل مامكن غـلاك وركـزه بحشـاي
يشيله من معاليقـي قبـل لا الوجـد ينهينـي
ولعلمك لو عرفت إني أبثني عزمك برجـواي
أمـوت ولا ترجيتـك وقلبـك بايـرٍ فيـنـي
لو انك قلتها تبغى تشـوف معزتـك جـواي
أو انك قلتها ساعه غضب والذنـب كاسينـي
لاجيك بكل حيلاتي من ايـام الصبـا لتـلاي
واشري رضاك لو كان المقابل باقـي سنينـي
ولكن مالمسته بك قتل حتـى العتـب بشفـاي
غرام ٍ مات في عينك علـى فرقـاك يغرينـي
حسافة كنت احسب انك تقدر طيبتـي ووفـاي
وعلى اقل احتمال تراعي اللي بينـك وبينـي
توقعت إنك أخلص من عرفت وشفت في دنياي
أشك بكل مـن حولـي ووحـدك ماتخلينـي
طلبت البعد في وقتٍ أبيك تكـون بـه يمنـاي
بعد ماجارت ايامـي علـي وحـارت يدينـي
ولايخفاك صكات الزمـان وماحصـل ويـاي
ولو مافي يدك حاجة وجـودك كـان يكفينـي
توفي لو بعض دينك إلين آقف علـى ماطـاي
لعل يكون لي صبـر ٍ علـى الفرقـا يقدينـي
على كل حال ماينفع ملامي لك وكثـر حكـاي
عن اذنك برحل لدرب الغياب اللـي ينادينـي
المستشار
رد: طلبت البعد في وقتٍ أبيك تكـون بـه يمنـاي
رد: طلبت البعد في وقتٍ أبيك تكـون بـه يمنـاي
شـكــ وبارك الله فيك ـــرا لك ... لك مني أجمل تحية .
رد: طلبت البعد في وقتٍ أبيك تكـون بـه يمنـاي
موفق بإذن الله ... لك مني أجمل تحية .
رد: طلبت البعد في وقتٍ أبيك تكـون بـه يمنـاي
شـكــ وبارك الله فيك ـــرا لك ... لك مني أجمل تحية .
رد: طلبت البعد في وقتٍ أبيك تكـون بـه يمنـاي
الله يعطيك العافيه يا المستشار ماننحرم من جديدك دائما في الشعر والخواطر_تقبل خالص تحياتي ومروري_
رد: طلبت البعد في وقتٍ أبيك تكـون بـه يمنـاي
حسافة كنت احسب انك تقدر طيبتـي ووفـاي
وعلى اقل احتمال تراعي اللي بينـك وبينـي