ابيات لاخوي الشاعر ابراهيم الحربي دفاع عن الرسول
يالله يـارب السحـاب الهماليـل=
= تنثربردها فـي ربـوع المدينـه
الـي نوابيتـك رمتـه الابابيـل=
= وقيت دينك بالحصـون المتينـه
يامنزل القران مجمـل وتفصيـل=
=عبدك ضعيف ويطلب انك تعينـه
اجلاالضلام الي سدل ستره الليـل=
=واكشف خفاسودالقلوب الدفينـه
ماهي غريبه من هل الكفروالميل=
= اهل الخنا وأهل القلوب الرعينـة
رسولنـا لويرسمـون التماثيـل=
= وينمقون الكـذب قصـه لعينـة
رسولنا فـي عاليـات المنازيـل=
=محفوظ حقه بالأيـادي الامينـة
ماهزنا من قـال فيـه الاقاويـل=
=اصله لنا واحنا الـذي عارفينـه
هذاك من نبع الـزلال السماليـل=
= هذاك بلسـم للقلـوب الحزينـة
نصره شهر بالرعب لاسرج الخيل=
= وتقصر عنه كل الخطاوي مهينـة
حبيبنا الـي نكـل الكفـر تنكيـل=
= والدين حطه في حصون حصينـة
واحنا حماة الحق عن كل تضليل=
=ولكل كـاذب ليـن نبتـر يمينـه
واليا جهلنا ما علينـا مجاهيـل=
=يشهد لنا الماضي بعسره ولينـه
نفتل صعاب الفاتـلات المفاتيـل=
=والي نوانـا نفتلـه فـي كمينـه
احنا العرب واصل العرب يامخابيل=
=من طاح فينا غبرت بـه سنينـه
لو تنتجون اجمل والذ المحاصيـل=
= منتوجكـم ماينشـرى تاركينـه
ونرجع افواج البواخـر اساطيـل=
=ويشوفنا الي ما عرفنـا بعينـه
هذا قـرار صـادر دون تعديـل=
= مـا صـدره بـاول ولاكندلينـه
يصدر وختمه من صميم الرجاجيل =
=جيش الرسول اهل العقول الرزينة
لازم نردالكيل ونزيد فـي الكيـل=
=وفي كل خطـوه ربنـا نستعينـه
وصلاة ربي عد مزن المهاميـل=
=وعداد ماتبرق بـروق المعينـة
على الرسول الي جلا ظلمة الليل=
= جانا بدين الحـق تسلـم يمينـه
الشاعر ابراهيم علي الحربي=]
رد: ابيات لاخوي الشاعر ابراهيم الحربي دفاع عن الرسول
رد: ابيات لاخوي الشاعر ابراهيم الحربي دفاع عن الرسول
حياك الله اخوي يحى الحربي
وقصيده جميله جدا من اخونا ابراهيم شاعر المنتدى وهذا ليس بغريب عليه نتمنى ان نراه دائما متواجد ليمتعنا بقصائده الرائعه والجميله
مرة ثانيه اشكرك اخوي يحى
---------------------------------
ملاحظه تم نقل القصيده من قسم المواضيع العامه الى قسم منتدى الدفاع عن الرسول
رد: ابيات لاخوي الشاعر ابراهيم الحربي دفاع عن الرسول
[align=center]
يعطيك العافية أخوي يحى الحربي
لك تحيتي وتقديري
[/align]
رد: ابيات لاخوي الشاعر ابراهيم الحربي دفاع عن الرسول
بارك الله فيك أخي الكريم يحيى وصح لسان الشاعر .......
رد: ابيات لاخوي الشاعر ابراهيم الحربي دفاع عن الرسول
قصيدة رائعة يعطيك العافية اخ يحيى
بانتظار جديدك..
رد: ابيات لاخوي الشاعر ابراهيم الحربي دفاع عن الرسول