يالله يـا عـلام غـب السواليـف
وامر تغيـر منـه شكلـي ولونـي
لاجيت بابك والخلايق مواقيف
والذنب حمـل شايلـه فـي متونـي
وخذتني الدنيا بكيف وبـلا كيـف
على مراكبها سهـت بـي عيونـي
وجتني جبال من المعاصي متاليف
واكثار سب الناس زادت حزونـي
وطاوعت خلان الرخا والملاقيـف
تعزف على قلبـي نشـاز اللحونـي
ناس على الدنيا حراص ومشاغيـف
يوم ان راع الديـن يقـرا المتونـي
والبيت حجاجـه يلبـون بالخيـف
يدعون خـلاق السمـا والمزونـي
وجريت للماضي كثير التحاسيـف
دنيـا مكاسبهـا العنـا والديونـي
عبد وضعيف وجيت يا خالقي ضيف
وانت الكريم وطالبك مـا يهونـي
جيت وطلبتك يوم عسف المعاسيف
تغفر خطا نفسـي وتغفـر ضنونـي
