مجارة بين الشاعر ابو شامي والشاعر ابو مازن

ياسلام الله سلامن مايبور
للصديق اللي يقدر الاصدقا

لك يبو مازن على مر العصور
والله انك أخ على وضح النقا

بعدها بسألك عن بعض الامور
من ملازيم الرجوله وش بقا

لا نوووك ابناء عمك بالثبور
وبادلوا طيبك محاصيل الشقا

ماكفاهم أخلفوا وقت الحضور
وانت تدري بالسوالف ياسقا

قلهم من عادة الدنيا تدور
وان بغوني لابسن ثوب التقا

وقل لمن فكر على محمد قصور
مثلي بربعه على الطاله رقا

راجحي والراجحي دايم جسور
عند ظن اللي بنا خير يهقا

مجدنا من فوق صفحات العصور
وعلمنا ناصع على وضح النقا

ياوليد وأنت محزم مايبور
والله انك من عزاز الاصدقا

محمد احمد الحربي
أبوشامي

فاحت ابيات القصيدة بالعطور
كن بين حروفها عود ازرقا

شاعرن واغوص في كل البحور
يوم غيري في القوافي يغرقا

مرحبا من طيب خاطر وبسرور
يارفيقٍ بالجمايل يسبقا

والله اللي عالم مافي الصدور
قدركم بين الضلوع موثقا


ابن عمك لو يخالف كل شور
حاول انك تقنعه بالمنطقا

واعذره لو كان ماهو بمعذور
واحذر لسانك بزله ينطقا


وان تردى او فتح باب الغرور
يسلم اللي للمشاريه اتقا

حط ما بينك وبينه للعبور
الف دربن عل لو يحصل لقا


كم صديق لجلنا دمه يفور
وكم قريب خوته شر محقا

وكم قريب وافي بكل الشبور
لا زهمته سد عن كل اصدقا


نختم ابيات الجزالة بالعطور
والقوافي طيبها عود ازرقا


وليد محمد الحربي
ابو مازن

شكرا على نقل الابداع

تقبل مروووري....

الف شكر.....

بالتوفيق والى الامام

تقبل مروري....