مرحوم يا أميراً على الطيب مبداه ـــــــــــ شيخ الشيوخ ومنبع الجود والطيب
حاكــم حكيم وراعي العز والجــاه ـــــــــــ ياما عطت يمناه من شمَّخ النيّب
سلطان الخيـر ومـدة الخيـر يمنـاه ـــــــــــ كم أمتلا من كف سلطان من جيب
يعطي ويشبع بالعطا والله أعطاه ــــــــــــ يطلب جزاه من الولي عالم الغيب
المملــكه والأمــه اليـــوم تنعـــاه ـــــــــــــ يبكي عليه الشعب شبان مع شيب
ياالله تغفــر لـــه وتمحـــا خطايـاه ـــــــــــــ وتنجيه من يومٍ شديد الملاهيب
وياالله تطول عمر ابــونــا وترعــاه ـــــــــــــ امين ياللي طالبك دوم ما يخيب
مليكنا المحبوب ماأحسن سجاياه ــــــــــــ ياالله عسى شمسه عن الحكم ما تغيب
وتحفظ لنا نايف من الشر وأعـداه ــــــــــــ حصن البلاد ومحتميها من الذيب
وسلمان غيث اللي يجيله وينصاه ــــــــــــ درع الوطن هم محتمين المواجيب
حكامنــا حكــام للشــعب وحمــاه ــــــــــــ أل السعود مطوعين الأصاعيب
رد مع اقتباس
رد: مرحوم يامير على الطيب مبداه
