قصيدة الى صديقي هزاع

سلامي على هزاع واللي عرف هزاع ...
علومه تجمل والليالي شقاويه...

عرفنا بعض والدرب واحد بدون نزاع ...
وضعنا على الساحل من البعد ماريه ...

نقيس المسافه في غباره بدون شراع ..
ولاعندنا من واسطات(ن) وجاهيه ...

لاتبرز بصدرك للهوا ونت دون اضلاع..
ترا الوقت قاسي والقضايا مصيريه ...

عرفنا الجنوب ببارد انسامه وذعذاع...
وعشنا مع الايام باحلام ورديه...

واشوفه تركني للمساري بدون ذراع ..
حجز تذكره ويقول بيباي شرقيه ...

عسا الله يجيبه بالسلامه وطيب سناع...
تجي دورته في وقت طيب ولا زيه...

اعزه على انه من هل الطيب ذرب اطباع ...
علومه تجمل والهقاوي جنوبيه ...

اعزه ونا في خوة اهل الكرم طماع ...
سنافي وأحب اهل العلوم السنافيه ...

أحب الكريم اللي خذا الطيب بالاجماع ...
يضلل عليك ومن شموس الزمن فيه ..

قصيده اهديها الى زميلي وخويي بيغيب
اربعه شهور الله يجيبه بالسلامه...

صح لسانك....

تقبل مرووري

وفقك الله....

بالتوفيق وإلى الامام

صح لسانك ياااااامبدع

بارك الله فيك