المــراجيــح
[poem=font=",6,,normal,normal" bkcolor="burlywood" bkimage="" border="none,4," type=3 line=0 align=center use=ex num="0,black""]
ماجيت اسومك مثل هالناس بالمال
ولا جيتك اصغر في عيونك ولا اطيح
جيتك بلهفة عاشق .. و عقل رجال
وقلب ٍ يشوف إن الحنايا.. مراجيح
في نظرتي حلم ٍقطفته.. من البال
وفي خطوتي عمر ٍ خطفته من الريح
جيت بقصيد وحب واحلام وامال
طلاب قرب ٍ طاولته التباريح
لي في عيونك عشرة وبيت وعيال
وفي يديك لي دبله وعشرة مصابيح
جيتك وقلبي فيه من عشق الاطفال
لا حب قال احب من غير تلميح
سلمتك امره وانتي ادرى بالأحوال
لا تتركينه في دروب المجاريح
اما يعيش الطفل في صدر رجال
وإلا يموت الطفل بين المراجيح
[/poem]
رد مع اقتباس
المشاركة الأصلية كتبت بواسطة الراجحي راجح
