قصيدة مدح في قبيلة السحمان من حرب ( من رافق السحمان ماهو بندمان ) 0

قصيدة الشاعر :

عبدالله بن سرحان المعمري الحربي

في مدح قبيلة السحمان من حرب

===================

من رافق السحمان ماهو بندمان
رجال (ن) تعد أفعالها با لشدايد

أهل الحموه و المواقف وشجعان
تشـهد قبيـلة حــرب وكل البدايـد

عن فزعة السحيمي لياقام له شان
يـحمـي رفيـقه ماتجيــه الضدايـد

عزالرفيق ليانتخى بصوت سحمان
لـه موقفن من دون غـيـره محـايـد

بـيـن القـبـايـل يـوم كايـن وماكان
عـيال السحيمي ذكرهم له شهايـد

ليا أعترضهم ناوي الشـر طربان
يـعرف مصيـره نهـايـته بالحايـد

كم فارسن طشوه من فوق الأحصان
ولامـصـوب بــه جـروحـن عـدايــد

لهـم هيبتن يـشهـد لهـا كل عـدوان
يـوم أرتحـال البـدو علمن و كايـد

من نسل عوف اللي لهم فعل برهان
يـوم الغـزوا والحــرب نـار وقـايـد

قطعانهم ترعى بسهولن وضلعان
حـاميـنها السحمان رجالـن ولايـد

ودخيـلهم من بيـنهم عاش بامان
محمي وسطهم ماتجيـه الطرايد

أفعالهم تذكر في ماض الازمان
والضيف يمدحهم بوقت الزهايد

أهل الكرم والطيب صغارن وشيبان
رجـالهــم شـعـلـه ومقـبـاس زايـــد

شكرا لك اخوي وصح لسان الشاعر ويستاهل الممدوح

شـكــ وبارك الله فيك ـــرا لك ... لك مني أجمل تحية .

شكرا على النقل وصح لسان الشاعر

والله وألف نعم في السحمان .... ويستاهلون الطيب .....

موفق بإذن الله ... لك مني أجمل تحية .

والله وألف نعم في السحمان