قد يحدث مع الأســف
غشتك نظرتك وإلا الناس غشـوك
أصحاب منت امتوقع منهم الغـش
حيّوا وصبوا لك الدلـه وعشـوك
الثغر لك مبتسم والوجه لـك بـش
وعقب الكرامه بغالي الطيب رشوك
ماتسمع إلا هلا بالطـش والـرش
ومن يوم ودعت عند الباب حشوك
غفله وظنوك منت بسامع الحـش
لكن كـلامٍ سمعتـه كنـه الشـوك
وإلا إشتعال الشرار بيابس القـش
شيٍ يقول إمش دام الناس مشـوك
وشيٍ يقلّك تفـك البـاب وتخـش
تشعل عليهم لهيـبٍ فيـه طشـوك
وتهدم عليهم جدار الصحبه الهـش
لكن يقول العقـل مـادام عشـوك
إن كان تقدر تمشيهـا لهـم مـش
اخي عبدالله من يعرفك لايستغرب هذا الابداع
والذي نتمناه ان يستمر تواجدك في موقعنا
الذي لاشك يفخربوجودك ياشاعرالحكمة
غشــتك نظرتك وإلا الناس غشــوك
رد مع اقتباس
