ياقبائل حرب ياربعي عصابة رأسي
قصيدة الشاعر
نايف بن زابن المعمري الحربي ( رحمه الله )
------------------------
ياقبائل حرب ياربعي عصابة رأسي
ودرعي اللي يعترض بيني وبين اخصامي
ويا شبا رمحي وسلة سيفي العباسي
وياحماية يوم كلا في حماه محامي
ويا ظلالي لحتمت شمس النهار القاسي
ويا دفاى اللي يدفيني طوال العامي
ويا زهر قلبي ويا عزي ويا نوماسي
ويا ذرايه من وراي ودرع من قدامي
ويا حياتي ياعيوني ياجميع احساسي
يا عصا اليمنى البتيع ويا زهاب احزامي
ويا جبال روسها من ساس راسا رأسي
راسيا بالارض عرض وثابت الاقدامي
انتم اللي شوفكم بالعين يجلي اعماسي
وافتخر به مع عوانيه وبين ارحامي
افتخر فيكم الى شاهدتكم جلاسي
فخر مع طول الليالي وطولت الايامي
احمد الله هالقبيله مابها هوجاسي
ولابها مشرك ولا كافر ولا ظلامي
حـرب مشهوره وتعرفها جميع الناسي
عصرنا هذا وفي عصر اول الاسلامي
نار ماتضعف ولا يطفي لها مقباسي
كل ماتقرب سنا مشهابها ويلاه ضوا حامي
كان ابونا (حرب حراب الدول) متواسي
لايميل ولا يعيل ولا يهزه رامــــي
وانتم اليومه من اكبر رأس الى أصغر رأسي
عند حسن الظن فيكم طيبين اكرامي
كم بكم من فارس يأخذ على صم الرمك مرواسي
وكم كريم خوصته تفرس وكفه دامي
ياهل الحشمات والشيمات والنبراسي
ياهل السلم المقدر بارفع الاقيامي
الفــضايل بالثناء والمــــدح ماتنقاسي
عدها كايد ولا تضفي عليها اعلامي
واسمحو لي كان فيها أخماس ولا اسداسي
ومقدر أحصر طيبكم بيني وبين اكمامي
جيت ابحصي طيبكم لكن ضاقت صفحة القرطاسي
ماقدرت احصي على فهمي وكثر اقلامي
رد مع اقتباس
