قصيدة الربيع , من ذاكرة ربيع الديره أقدمها إليكم...

أخواني الأعزاء في منتديات حرب

أقدم لكم هذه القصيدة , لنتذكر جميعاً أجواء الربيع في ديرتنا

معللين النفس بالترقب والامل , للربيع و تمشياته

الله على الجو البديع ,,,, في ديرتي ما أروعه

بالذات في وقت الربيع,,,,أشهر ثلاثة وأربعه

يا صاحب الذوق الرفيع,,,,خلك مع الشور و طِعه

وان صادفك ظرف (ن) فجيع,,,,وأثّربقلبك و أوجعه

حاول قدر ما تستطيع ,,,,ظرف الزمان تطوّعه

وأطلع مع الخط السريع,,,, لين الرياض تودّعه

واضرب مع الفج الوسيع,,,,ما بين طعس و مزرعه

وادرج نظرك بكُلّ رِيع,,,,وانعم بلحظة ماتعه

من يشتريها ما يبيع,,,,غاية هواه و مَطْمَعه

واحضر معاميلك جميع,,,,وش ينقصك من أمتعه

واذا استوى شَبّ الوليع,,,,كيفك بكيفك سنّعه

وبيالة الشاي الربيع,,,,محكورة(ن) و منعنعه

و لربك الفرد السميع,,,,فرض(ن) ودَين(ن) تدفعه

يا كم سجد له في الهزيع,,,,من نفس عبد(ن) خاشعة

و أزكى صلاتي للشفيع,,,,وآله و صحب(ن) تتبعه

من قصائدي المنشوره في ربيع هذا العام
مع التحية والتقدير لكم

أبو ريماس " أبو نايف "

مبدع يا ابوريماس وصح لسانك

مبدع يا ابوريماس وصح لسانك

صح بدنك الله لا يهينك يالكناني

تحيتي و تقديري لشخصك

,,,

صح لسانك ولا عدمناك

يعطيك العافية اخي ابوريماس ع هذه القصيدة الجميلة

يعطيك العافية اخي ابوريماس ع هذه القصيدة الجميلة

هلا والله بسميي

الله يعافيك و يبارك فيك

انت الجمال كله يا سميي العزيز

صح لسانك ولا عدمناك

صح بدنك

على الراس والعين يالغالي

و القادم أجمل بحول الله