يارفيق الدرب’’
الا يارفيـق الـدرب خلـك علـى يمنـاي
ونـا هقوتـي بـك هقـوتـي ماتخيبـهـا
وعاهدك في درب الردى ماتسيـر اخطـاي
ولااهيـن نفـسـي وأتـهـاون بواجبـهـا
والا يابنـات الفكربالشعـر يمـي جــاي
لعقـل ٍ يديـر النـادره لـيـن يكسبـهـا
ترى الشعر في عقلي ودمي وكـل اعضـاي
جرى بالعروق وكـل الاحسـاس صاحبهـا
وانا اللي حداني في شجوني وفـي مسـراي
دروب الغـرام وماجـرى مـن مصايبهـا
مادام الـوداع وفرقـة الشمـل والاقفـاي
قريبـه عسـى ماعـاد يــومٍ يقربـهـا
الا ياوزيـن الـروح ياغايـتـي ومـنـاي
على هون ليـن النفـس تلحـق مطالبهـا
تعـال انتعاهـد ونـتـوادع ونقـطـع راي
تـرى ساعـة الفرقـى تحـرك عقاربهـا
ونا يوم اسوق النفس يمك بحكـم ارضـاي
ابـارك لهـا بالخطـوه الـلـي تقربـهـا
وانا خايفٍ لحضـة فراقـك تشـل اقـواي
واهـدي ميـول النفـس يمـك وعاتبـهـا
على اضعف من السلك الردي تنطوي رجواي
ونـا خايـفٍ مـن هجـر الايـام يذهبهـا
بحسنـاك وبفضلـك لافضلـي ولاحسنـاي
توقـف اخـذ جملـه مـن الشعـر رتبهـا
ترى انت الهدف في كل شعري وفي معنـاي
بيـوت الغـزل لــولاك والله مااكتبـهـا
تكلم ضمير الحـب ينـدب بصـوت النـاي
ولازلـت اصـدق فيـه نفسـي واكذبـهـا
يعيـدٍ قريـبٍ راح مقفـي وعـود جــاي
يلاعب جنون العقـل مـن شـان يطربهـا
فهل يعلـم انـه داي والشعـر فيـه ادواي
وهـل يعلـم ان بيـوت شعـري تخاطبهـا
فان كـان يعلـم فانـي اشهـدك يامـولاي
على مـن تجرعـت العنـا مـن سبايبهـا
وان كـان لايعلـم ولاحـس فـي شكـواي
فهـاذي مـن دروس الحيـاة وتجاربـهـا
للشاعر/الهاب الحربي
رد مع اقتباس
المشاركة الأصلية كتبت بواسطة المنهالي
