حي الله اللي يظهر شوي ويغيب..
ابطيت عني والله الحين جابك
حي الله اللي يظهر شوي .. ويغيب
عطني سبب واحد .. يبرر غيابك
يعني اذا طمنتني .. ما بها عيب
كلّم على الأقل اتصل .. وش غدى بك
أنسى المحبه .. واعتبرها مواجيب
اللي سطابي .. هقوتي ما سطا بك
ما لي بعد ما رحت .. ربع ومصاحيب
ما غير ادّرج خطوتي عند بابك
لا ضيقتّني عبرتي .. قلت مانيب
ساري ياكود امر حضرت جنابك
و اوقف على باب الغلا والتراحيب
لعلي اسمع كلمتك .. يا هلا بك
كني فقيرٍ .. مرّ بيت المعازيب
ابطيب .. واشتاقت ظلوعي ذيابك
ما عاد فيني ضلع يمشي بلا ذيب
اللي رضيته بالزمن .. وارتضى بك
عز الله انه ... طيب الحظ والصيب
علّي نذر وحلف .. محدٍ درى بك
جيت ورحلت وجيت ... لا شك لا ريب
إذا ابتدى منك الهوى .. وانتهى بك
افضل ولا حبٍ .. بلّيا مقاضيب
ارضى نعيمك .. ليه ما ارضى عذابك
في ذمتي ما شفت منك ... سوى الطيب
منقول
رد مع اقتباس
المشاركة الأصلية كتبت بواسطة علوش
