حان الرحيل وعافت النفس عالمك

حان الرحيل وعافت النفس عالمك
وبالخير يابنت الأصول اذكريني
كنتي الحنان اللي يعيشه متيمك
وكنتي سعادة خافقي كل حيني
وفجأه تغيرتي ولا قادرافهمك
وصرتي بطبعك دايم تعذبيني
كنت التمس عذر لفعايلك وأرحمك
واقول يمكن لاهديتي تجيني
وصبرت صبر ايوب ماودي اضلمك
لين الجفا والصد بيّح كنيني
دام الذي قد صابني ما يألمك
وكثر التودد مانفع منه شيني
أرحل واخلّي هالليالي تعلمك
انك بطبعك والقسا تظلميني
خلّي غرورك والتعالي يحطمك
وحسّي بقسوة مافعلتيه فيني
عيشي فراق اللي عن الشين شيمك
وعن الردى ينصحك ماتقربيني
مافكّر بيومٍ يخونك ويوهمك
وأن خفتي الله بالوفى تعرفيني
وتطمني ماني على شي ملزمك
ويبقى دفين السر بينك وبيني
وأعاهدك احفظ معزتك وأكرمك
واحفظ غلاك بخافقي صدقيني
حان الرحيل ولا تقولين ضالمك
خلاص يابنت الأصول اعذريني
ماأهين نفسي زود وأقبل تهايمك
روحي وخوذي راحتك واتركيني
عقلي وتفكيري وقلبي مخاصمك
بيني وبينك صار جرحٍ دفيني
لاحرف مني ولا لساني يكلمك
من باعني ماضنتي يشتريني
ياهم خذ قلبٍ من سنين لازمك
لاتتركه خلّه بقربك سجيني
عادت على وجهي شواهد معالمك
انت الذي طول العمر محتويني
ودعتك الله: عافت النفس عالمك
وبالخير يابنت الأصول اذكريني


منقول

ياسلام قصيده رائعه شكرا على اختيارك

اختيار يدل على ذوق رفيع وصراحه انا احب هذي القافيه خاصة الي في الشطر الاول من كل بيت

ذائقه اكثر من رائعه.......

حان الرحيل ولا تقولين ضالمك
خلاص يابنت الأصول اعذريني
ماأهين نفسي زود وأقبل تهايمك
روحي وخوذي راحتك واتركيني


راقت لي بارك الله فيك

نقل جميل ..... ألف شكر .......

نقل جميل ........