هذا السؤال اللي ذبحـني بالخفا

الطير لا كسرت جنحانه يطير
................. هذا السؤال الي ذبحني بالخفا
ما همني ما بعد هذا وش يصير
................اللي حصل في صفحة الماضي كفا
ما بين خوف الله وتأنيب الضمير
....................ما خاب رجال(ن) لوجه الله عفا
انا السفير الي يدور له سفير
....................وانا الوفي الي زمـانه ما وفا
شفت الزمن لبسني الثوب الحرير
....................وثوبه يبنجني لطعنـات القفـا
ما عاد ابي ثوبه وابي ثوب الفقير
....................اللي احس بلبسته ستـر ودفـا
اسهل ما بالدنيا برستيج الأمير
....................بس المصيـبة لو بعد ناره طفـا
من عاش وقته لايجار ولا يجير
....................محدن بداريبـه مشى والا لفـا
والكلمة الي حدها حد الشطير
....................لا قال شخصن تحسب حسابه افاا
ياكبرها كبراه في عين الكبير
....................ويا صغرها للي بمرجلتـه هفا
الحمل ما شاله سوى ظهر البعير
....................اللي تبين في مواطـيه الحفـا
البارحة تقريب في حزة عصير
....................كنه خفوقي قطن في دار السفا
طرا علي الحب الاول والاخير
....................اللي معلقـني على جسر الجفا
وش هو سبب هالصد والدنيا بخير
....................ليته مأكد صـدته والا نفـا
ماني بناقص هم تكفى يالعشير
....................جفنك ينام وجفـن عيني ما غفا
مااحب غيرك لان حبك غير اي والله غير
....................لو هو صفا جوي بدونك ما صفا
بقول لك كلمه وانا اعرفك كبير
....................ما هي تجيني منك يالغــالي افا

نقل جميل ...... ألف شكر .......

شكرا على النقل الجميل ......

تحياتي لك ..........

ماني بناقص هم تكفى يالعشير
....................جفنك ينام وجفـن عيني ما غفا
مااحب غيرك لان حبك غير اي والله غير
....................لو هو صفا جوي بدونك ما صفا
بقول لك كلمه وانا اعرفك كبير
....................ما هي تجيني منك يالغــالي افا





روعه بروعتك عزيزي..

فعلاً أخي السراب,,,,,,,,,
بارك الله فيك

بالتوفيق والى الامام دائما ان شاء الله