سقى الله يوم تتلاقى قلوب أصفى من الألماس

قصيدة زمان أول

للشــاعر / سعيد الفطيسي

على طاري الزمان اللي مضى واصبح حديث الناس

ووقتٍ يا حلى وطره قفى واندثرت أخباره

لكنْ نقول لا دوّل علينا واستفز الياس

وعاند واقعٍ مجهول علينا يفرض أفكاره

سقى الله يوم تتلاقى قلوب أصفى من الألماس

مخوة صدق وايامٍ طواها الوقت وآثاره

عرب ما بينهم تلقى مودة ما لها مقياس

على المعروف تلقاهم يمين الحال ويساره

رجالٍ ما تقفي بك اذا جابك شديد الباس

نعم والله عوايدهم تدوس الصعب واخطاره

تحث السير ما تنكف وتطربهم رمل وأطعاس

فلا هي حرة الرمضا ترد الجار عن جاره

لكن الحال ما يسلم اذا صاب القلوب افلاس

اذا حل القضا فينا وهاف الزرع بأثماره

أناظر مسرح الدنيا واشوف الناس غير الناس

واردد من خفى الخافي ترى الايام غدارة

يضيق بنا الفضا الخالي اذا ضاقت بنا الأنفاس

ولا تسعف خطاوينا عن المكتوب وأقداره

دروب الحي ما ندري تودينا شقى واتعاس

سلامة ما بقى فينا من الماضي وتذكاره .

تقبل مرووووري....

يعطيك العافيه اخووووي

كل الشكر لك اخي

سلمت يدااك ....
دمت بحفظ الرحمن.....

نقل جميل جدا .... ألف شكر ......

يعطيك العافيه عزيزي...