جربت مرّه تعشق إنسان مجروح؟؟..
مايعرف من الحبّ إلا ذنوبه!!
تسمع بصدره رفرفة طير مذبوح..
كل مادعاه الحبّ ردّته توبه!!
إن هو حكى يتلعثم بْصوت مبحوح..
وإليا نوى يرتاح واجه صعوبه!!
قلبه تعوّد ع الجفا وْقلّة البوح..
يملى من أحزان الليالي جيوبه!!
للشوق في قلبه كذا جرح مفتوح..
واللي يحبّه ماألتفت يوم صوبه!!
عايش معا هالناس جسمن بلآ روح..
لآهو تأثر فيهم وْلآدروبه!!
هذا أنا وفي داخلي باقة جْروح..
وأبيات زادتها المآسي عذوبه!!
أضحك وضحكي تسكنه نبرة النوح..
وأرسم على وجهي ملامح كذوبه!!
لنّ الحكي ويّاك ماعاد مسموح..
والصمت في حضرة جنابك عقوبه!!
ــــــــــــــــــــــــــــــــــــــــــــ
وسلامتكم
للشاعره/تفاصيل منسيه
رد مع اقتباس
رد: الصمت في حضرة جنابك عقوبه!!
المشاركة الأصلية كتبت بواسطة المنادي
