طمن خفوقك,,
طمـن خفوقـك مانـوى القلـب ينـسـاك
لاوالـذي حــط المحـبـه فــي روحــي
الـقـلـب يـشـكـي بـعـدكـم ويـتـرجـاك
تسمح لمـن حظـه قصـر بالشروحـي
اقفى وفي الخاطر تـرى شـي ماجـاك
شـــيٍ عـظـيـمٍ سـاكـنـن مـايـروحــي
واعرف ترى حظه قصر يوم فرقـاك
خانـه وهـو صـادق وكلـه وضـوحـي
ولاتحسـب ان الحـب شوفـة محـيـاك
او اللقـا فـي الحـب يبـنـي صـروحـي
يـاكــم خـايــن شــــاف ذولا وذولاك
لامـر اسمـه عـاد ذكـرى الجـروحـي
امــا انــا لــن مــر بـالـبـال طـريــاك
يستانـس الخاطـر وتـطـرب لبـوحـي
تـقــرا حـروفــي وإتـبّـسـم شـفـايــاك
وامــر فــي بـالـك بحـلـو الـمـزوحـي
مهمـا حصـل ماخـون حبـك وذكـراك
وانتـه معـي عايـش وطيفـك يلـوحـي
يابـو عيونـن ســود صعـبـه مـزايـاك
وصعبٍ علي اوصف ولو زاد نوحي
احساسـي اللـي وافــيٍ دوم لـرضـاك
مازعزعـه بعـدك يـا غايـة طموحـي
ولاتغـيـرنـي صــواديــف وانــســاك
يلـي بوصلـك صـار وقتـي شحوحـي
اقفـيـت يــوم ان الـقـدر خــان لقـيـاك
والشوق في صدري حصانه جموحي
ارسلـت يمـك جملـة ابـيـات تنـصـاك
ارجــوك تقبلـهـا بخـاطـر سـمـوحـي
رد مع اقتباس
المشاركة الأصلية كتبت بواسطة البرضاوي
