هنـــي اللي أبوه حـــي وينشـــافي
آآهـ دقات قلبي تزيدة بـحرةٍ فيها .. و الدمع من مهجتي بالحزن ذرافي
من لوعةٍ ياعسى ربي يجليها ..إمـا غشتني بغم و تنفض أطرافي ..
ليت الليالي تعود بحلو ماضيها ..هيهات ترجع بمـا روّح و ماطافي ..
كلن يعزي وأنا روحي أعزيها ..رحيل أبوي اللي بالأفضال معطافي ..
آهـ من الوقت والدنيا أثنيها ..دنيا تفرّق شمل بالحيل تنعافي ..
بسمتك ياوالدي مانيب ناسيها .. تضحك اذا شفتني بالخير متعافي
ليت العمر ساعة تنباع و أشريها .. بأغلى ثمن يايبه للعمر تنضافي ..
مسجدك مشتاق للآيه وتاليها ..منبرك من عقب مافارقت له طافي
غرشتك من عودك بدرجك أغطيها .أشم ريحه و كأنك مقبل و لافي
نظارتك شلتها حزني يبكيها .. حتى المساويك لاحت بين الأرفافي
عصاك مسنودةٍ جيت أباحاكيها ..تقول يكفيني مافيني ترى كافي ..
بستانك اللي به النخلات تسقيها ..جدد سواقيه تمره دون خرّافي
يبه يبه يايبه .هي لو ابطريها .. هني اللي بالله أبوه حـي ٍو ينشافي
فنجال قهوة معاك أوقات ٍ أغليها .. و يضمني في الشتاء في مشلح ٍ دافي
همزت رجليك أنا أفدى مواطيها .. أرجي لبرّك عسى ماتشكي خلافي
الأرض ضاقت علي بأوسع فيافيها ..لاذقت نوم ٍهني والأنس متجافي
فضايلك يايبه عجزان أوفيها ..لو صغت بالشعر بيت الألف من قافي
ياارب تجعله للفردوس ناصيها .. و من ثمار الجنان الخضر قطافِ
**نالت اعجابي بكل حرف فيها ..
و اكتملت بصوت المنشد المبدع/ سعد الطلحة
اتمنى ان تنال اعجابكمـ
**وفي الخـــــتام /أرجوا ممن يــرد أويـــمر على الـــموضــــوع الــــدعاء لوالدي بالرحـــمه والمـــغفرة....
رد مع اقتباس
المشاركة الأصلية كتبت بواسطة البرضاوي
