عيــــــــــــــد ياوطن!!
يالله عسى عيدك على مر الازمان
ياارض الطهاره والحضاره والأمجاد
ياقبلة المسلم وياخير الاوطان
عساه عيدك دايم الدوم ينعاد
نفرح بعيدك والعدو كله احزان
مادامنا ايدك للمذله بينقاد
يقودنا رجلن محنك وله شان
هذاك ابو متعب على روس الاشهاد
اللي حكم فينا وديدنه قرآن
وسنة نبيه لاينقص ولازاد
يقودنا وفي داخله بذرة احسان
ويمنى تجود بجود مامثله اجواد
توافق وشعبه غدوا مثل الاخوان
واصدق غلا مابينهم صار يزداد
عاشوا بحضنك ياوطن امن وامان
ياحظ منهو كان له فيك ميلاد
واليوم شعبك جاك ياخير الاوطان
يفديك بامواله ومن قبل الاجساد
قبل الكبار اصغارنا عنك فرسان
تدحر اماني كل حاقد وحساد
الموت لجلك ياوطن قرة اعيان
توارثوه احفاد من اعظم اجداد
واليوم عيد ياوطن جعله ازمان
ويحق نلبس لك من اثيابنا اجداد
والتمس العذر فقد كان عندي مشكله في المعرف
لولا تنبيه وعون ابو حسين وتقديري للكل.
رد مع اقتباس
المشاركة الأصلية كتبت بواسطة حمزه الحربي(الاحمدي)
