الديره اللي عليها اسم السعوديه

الديره اللي عليها اسم السعوديه
من دونها الموت الاحمر يامعاديها

نوقف نعم ياملك وش عاد حوثيه
ابشر بقيدن نحطه في اياديها

يامعودن شعبك الوقفه الحياديه
يامروضن من تفشت في تماديها

الموت لجل الوطن يابوي عيديه
نفداك يابو فهد والارض نفديها

علمتنا في صغير الامر جديه
والحزم طبعن وصبغه دوم نبديها

قد الوطن وانت ياكفو القياديه
نرقى لعيونك مطمات ونعديها

ومادمت يابو فهد باعلن تحديه
يامحزم نفوسن تباهت في تحديها

وانت اللذي لا وقف ماهي بعاديه
يومن وقفات غيرك في ترديها

في وقفتك ياملك معنى الرياديه
رغبات شعبك الى العليا تقديها

يخيب ظن اللذي رادك بنديه
ياذيب مثلك الى الخسران حاديها

غيرك يلالي وهمه بس رديه
في مرقص الذل بانت في مباديها

يومن همك ديانه والسعوديه
وارواح شعبن قبل نفسك تبديها

رح ياملك قودنا وش عاد حوثيه
لسلام وارض الوطن يخسى معاديها


ابوشامي

صح لسانك....

دمت في حفظ الرحمن

تقبل مروري وشكري

بالتوفيق والى الامام

يعطيك العافيه.....

لك مني جزيل الشكر والى الامام