وسط الحشاء يبكي على حر بلواه ؟حزينه ومؤلمه
هذه ابيات تتكلم عن الاطفال اللقطاء وبصراحه هي مؤثره بكلماتها القووويه .... يحكي الواقع المؤلم لهذه الفئه من مجهولي الهويه...
وبحثت عن اليوتيوب بنشيد مؤثر ويالله حصلته ...
نسأل الله ان يكون بعونهم
مسكين ياحرف تعب من همـومـه .... وسط الحشـا يـبـكي على حـربـلواه
راعيــه دمـعته علـيهـم مـحرومـه .... وده يــقــول وكـل شي تــمـنـاه
يسأل عن أمه وين عطف الأمومة .... ولـيـه أنـحرم من حقه اللـي تـمـنـاه
وأبـوه ويـنـه يـرتـدي مـن سلومـه .... يعرف طريـق الـخيـر ويـسير مسراه
قـالـوا لـقيط وراس مـاله هـدومـه .... وحــيــد مــالــه غـيـر زاده وسـكـناه
يـمـه عـيـون الـنـاس والله ظلومه .... وأنتم سبب للي حصل لي من أدناه
وحـيـد وأسواري جميـع مهدومـة .... لا عـم ولا خـلان ولا خــال ولا جــاه
كـل ٍ يصـيبه فـي حـياته خصومة .... ويـروح لأمه يشتكي من ضيم ماجاه
وإن جـتني ضيـق وغمـه لزومـه ... أروح لــدموعـي وأشـكـي مـن الآه
أعيـش ليلـي بيـن يقضـة ونومه .... وفـعـل الـخطـأ يابـوي هـذي سـوايـاه
يـارب نفسـي عايشة ومحرومة .... ذاك الـحـنـان اللـي كـثـيـرة مـزايـاه
يـارب مالـي غـيرك أحـد ٍ أرومه .... وهـذي شـكـاة اللـي زمـانـه تـوطـاه
رد مع اقتباس
رد: وسط الحشاء يبكي على حر بلواه ؟حزينه ومؤلمه
