الشمس تمشي والذهــــــــــب طاح منثور
الشمس تمشي والذهب طاح منثـور
يتبـع خطاويهـا ويثـري اثـرهـا
وهاجةٍ فيهـا الحيـا زادهـا نـور
على القلوب الخضر ربـي ومرهـا
يشرق ضياها ويفخر الشرق مغرور
ويسجد لها مـن ذالحدايـق زهرهـا
يوم اقبلت ناظرت وانصبت مجهور
لحظة تصافح ناظري مـع نظرهـا
تبسمتلـي كنهـا تقـول مـعـذور
يامن نظرت العين صـادك خطرهـا
وانا على صمتـي تحاملـت مبهـور
لين استمالت واغربت فـي بحرهـا
والله يلولا اني على الصمت مجبور
خوفٍ من الشرهه وجمـرة قهرهـا
ومن لومتٍ تبنى على البهت والزور
اليا سمـع فيهـا المعـادي جهرهـا
قلت الشفق صدرٍ من الوجد مغمور
وعانقتهـا قبـل يتشانـق حمـرهـا
لاكن تركت القلب داله ورى السور
عل الليلـي ذيـك يثمـر شجرهـا
اعلله بالحـلـم وايـامــي ادور
والله يـوردنـي لضـفـة نهـرهـا
منقول
رد مع اقتباس
المشاركة الأصلية كتبت بواسطة المناور
