كــــســـرات روووووعـــــــــه
كلمات كسرات
سلام للي ورى شبكين &&& غريب غايب عن دياره
ياصاحبي أصبر وربي يعين &&& البعد محدِ قوى ناره
مير المقدر على المسكين &&& دار الزمن يقطع اخباره
بابنيلك الحزن في سطرين &&& مخالف الوقت وأسراره
احذر دموع الاسية تبين &&& لاجاءت امك لك زياره
اخفي دموع الحزن فالعين &&& اظهر لها الفرح بانواره
وقابلها باحلى الكلام الزين &&& قدم لها السمح واعذاره
واطربها يامية لاتبكين &&& الوقت يامصعب اخطاره
ادعي يامية عسى الله يعين &&& في سجنتي تكون كفاره
لاتجعلين الحزن بابين &&& باب الحزن قفلي داره
السجن هذا عليّه دين &&& مقابل الشبك وجداره
سجنة شرف ماهي سجن شين &&& السجن ياكثر زواره
باأصبر يامية لو أني وين &&& عادات الايام غداره
لو كان عنك أغيب سنين &&& الورد ماينكر ازهاره
أنسى عذاب السجن لو وين &&& عنابر الحبس واسواره
العسر لابد بعده لين &&& والجرح ماتوجعه اثاره
يادنيا يكفي آسى لاوين &&& دائم للأحرار جباره
يامية منك الصبر تكفين &&& الكسر يحتاج لجباره
شوفي الآسى كيف ففلسطين &&& افعال شارون وانصاره
فالقدس كم ناس حزنانين &&& سلاحهم طين وحجاره
اطفال بالدم غرقانين && ماتوا من صغار وكباره
ورجال ماتوا قهر باكين &&& والام تصرخ والعذاره
وينادوا وين العرب هم وين &&& وين واجب الجار عن جاره
لاتتركوا القدس للطاغين &&& ياللي على الوغد قهاره
يامية شوفي الآسى بالعين &&& يهون سجني ومشواره
كفي دموعك عن الخدين &&& ابغاك للبعد صباره
واللي خلقت امته من طين &&& وبرحمته تنزل امطاره
ماغبتي عن خاطري والعين &&& وبدونك النفس محتاره
دعواتك اليوم لاتنسين &&& السجن ماني من خياره
وإذا كتب عمري بتشوفين &&& لا عاش راسي ارجع الحاره
هذا وصيه لمن ورى شبكين &&& لاجات امه له زياره
رد مع اقتباس
رد: كــــســـرات روووووعـــــــــه
