خااااااااافي الشواااااااااااااق
أحبك وانتشى حرفي يوصل خافي الأشواق
أحبك مقدر اوصف لك حنين الشوق لوصالك
رسمتك في خيالي سيل ومزنه تروي العشاق
وورده تحتضن كفي تعطر قلبي الهالك
حياتي دنيتي عمري وليلي ولحظة الإشراق
ماتسوى شي بغيابك عسى كل الهنا فالك
أنا ماني مثل غيري أنا من لهفتي أشتاق
أحب بكل حالاتي وحبي دوم يصفالك
حبيبي ما قدر جرحي يلهيني عن الاغداق
حبيبي يعتزل جرحي إذا غنى الهوى وقالك
شعوري جامح وحبي على رغم الهجر سبّاق
وذاتي تعتنق حبك وروحي تحيا بظلالك
حبيبي انت عندي غير وغيرك لا أبد ما لاق
مثل وجه القمر تضوي وتسكن ليلي الحالك
حبيبي كل هذا الكون يضيق بحزن أو بفراق
حبيبي ما قوى صبري يقاوم لحظة اقبالك
على كثر البشر حولي ولكن خاطري ما راق
رغم بعدك رغم هجرك أدور عذر لاهمالك
حبيبي أدري تهواني وقلبك لا أبد ما طاق
وزاد الشوق في بُعدك وبحت بفيض شلالك
مشاعرنا عواطفنا أصيله غيثها دفاق
على مر الزمن تبقى جزيله رغم أحوالك
أنا خوفي على حبي ترى هذا الزمن سرّاق
سرق مني الفرح حتى نسيت اني على بالك
تعال الدنيا ما تسوى نخلي حبنا ينساق
لأوضاعٍ تشاكسنا تغير حالي وحالك
تعال وعانق اللهفه بأعماقي أحر عْناق
تعال وخل هالدنيا تنور لحظة وصالك
(((((( منقــــــــووووووله ))))))
رد مع اقتباس
