ماتت المرجلــه

من صغري وانأ اسمع يارب تحمي اهل غزه .. واليوم بدل تكاتفنا قـــــمنا نـــــحارب بعــــــــــضنـا
كل يـــــوم نفـقد اخوان لا بالله كـــل حـــــــــزه .. كلن لاهي بعمره وناســــي ان الجزيره وطــــــــنـا
يحسبون المرجله خمر وسهره في حضن مـزه .. واليا جاء وقد الشدايد كلن يقول ماهوب حــــــنـا
ماتت المرجله عقب صدام وماتت معه العــــزه .. ومات درع الجزيره يوم ربي توفــــــى فهدنـــــــا
في عهدهم الأعربي محدن يقدر علـــى خيه يلزه .. واليوم صرنا نعادي بعض وامريكا تضحك علينا
يقولون نسعى للسلام وشعارهم من يرفع الراس جزه ..هذا الصحيح ليه نخفي الحقيقه وهي بـإيدينأ
وشعارنا إلزم الصمت تعتبر مليك محدن يهزه .. هذا الواقع وهذي سياسه امــــــريكا شئنا ام ابيــنا
مإكتبت هالابيـات الا لإجل ابـدي راي ـ باللي يصير بالوطن العربي .. مإكتبتهأ ادور من ورى القصيـد مدح .. اخوكم بقايا جروح

مشاعر فياضة وهي مشاعر كل مراقب لما يحدث والحكام العرب اصلحهم الله
لهم دور فيما يعانيه عالمهم

يحسبون المرجله خمر وسهره في حضن مـزه صح بدنك ياخوي لكن لو دورت غير هذا البيت اضفل ولمعنا المرجله

انا اشوف ان البيت في محله الشاعر يقصد ان المرجله ماهي خمروسهره في حضن مزه
والمزه باللفض الحديث المقصود بها المراة الجميلة واضن هذا فاتك اخوي سويلم
والحقيقة في هذه الايام نشوف الكثير يسافرومن كل الطبقات حتى المسؤلين من اجل الخمره والمزز
واذا عاد استعرض كل مغامراته بين اصحابه ونسي اخينا ان المرجلة ليسة في الخمرة والمزة
وهذا ماقصده الشاعر صح لسانه

قصيدة في الصميم ووافقت الوقت المناسب

اقصد في كلامي هذا البيت ماتقدر تقوله في مجلس فيه ناس كبار السن

شكرا للشاعر على هذه الابيات والشكر موصول للشاعر الرائع سويلم الحربي على تعقيبه
وايضا نشكر الاخ وارش على توضيحه الذي ربما لم يكن يدور حول ما قصده الشاعر سويلم
ومع ذلك نشكر الجميع على تفاعلهم الذي لاشك يثري قسم الشعر الفصيح والشعبي