هويت روحك’’
تعال بإحساسك تراني بغيتك
وخذني أنا كلي على كيف ماجاك
وقف معا فكرك وفكر فديتك
لاحظ قدرنا نجتمع أنا وياك
هويت روحك بالغرام وهويتك
مافيه روح ٍ بالمخاليق تسواك
إن كان ودك في عذابي عطيتك
يفداك عمري قبله العين تفداك
وأقطع حشاي وعّلقه وسط بيتك
كل شي يهون وخاطري حيل يهواك
عذب على كيفك تراني شريتك
روحي وعمري فدوت ٍ لك ولخطاك
بديت في حبك تقول أنتهيتك
كيف أنتهي وأنا أتشفق لملقاك
ياليتني كل مابغيتك لقيتك
وياليتني أقدر أناظر مُحياك
بهديك روحي والعمر مانسيتك
أنسى فؤادي ياحياتي ولا أنساك
ألامس أحلام الوفا لا طريتك
وأسهر ألملم خافقي وأتّحراك
نام الحكي بأطراف جفني وجيتك
عجزت أعبر عن شعوري بليّاك
إمن البحر نسمه مشاعر هديتك
وشلون مايهديك قلب ٍ تمناك
ليتك تحس الشوق فيني ياليتك
ليتك تلامس مبسمي يالغلا إن جاك
هذي الحقيقه قلتها لك فديتك
غير العمر وشهو بقا بس يفداك
رد مع اقتباس
المشاركة الأصلية كتبت بواسطة ابونايف
