بسم الله الرحمن الرحيم
السلام عليكم ورحمة الله وبركاته
اللـيـلـة الـمـســرى : تــواريــخ وارقــــام
تجـمـع تفاصـيـل : (الـعــدا والاحـبّــة)
واحداث عصر : الجاهليّـة والاسـلام
واعتى المعارك بيـن : كـره و محبّـة
في رحلـةٍ تمشـي علـى سيـر الاقـلام
مــــا تـرتـعــد لا دقّ صـــــوت الـمـنـبّــة
تبحث خفايا كل : صامل و ضرغـام
لا حـولـت فالبـحـر (عشـريـن غـبّــة)
مـــا يـهـتـدي فـدروبـهـا غـيــر مـقــدام
ايـحـبــهــا بـالـحــيــل واهـــيــــه تــحــبّـــه
يقطع سككهـا لـو علـى حقـل الالغـام
ولـــو دونـهــا حـــوض المـنـيـة يـطـبّـه
مـــا غـيــرت طـبـعــه دوالــيــب الايــــام
يــــا طــيــب راســــه حــــر مــــا يـلـعـبّــه
لـــو ان راســـه سـلـعـةٍ بـيــن الاوهـــام
الــيــا نــصــاه الــقــول يعـيـطـيـه لــبّـــه
ثابت على درب الفضيلة من اعـوام
وبـانـي لـهـا فــي سـاحـة المـجـدّ قـبّــة
ولّــى عنـاقـيـد الـــردى قـــوم الاحـــلام
مـا منهـم اللّـي لا عطـى الـريـع ذبّــه
امـجـادهـم مـســرح : تمـاثـيـل وافـــلام
مسرح لقيت (الفـار يلعـب فـ: عبّـه)
وافعـالـهـم قــمــع : الارامــــل والايــتــام
فـــــي عــالـــمٍ مــالـــه عـلـيـهــم مــغــبّــة
لـــولا تفـاخـرهـم عـلــى بـــثّ الاعــــلام
ما خلقت اغراض : الهجـا والمسبّـة
اطيـب رجـل طحـطـوح فيـهـم لـيـا قــام
حــــبّ الـيـهــود وبـالـنـصــارى تـشــبّــه
فـي دنيتـه مـا عمـر صلـى ولا صــام
تــارك عـمــود الـديــن (ربـــي وربّـــه)
مـا باقـي الا يعـبـد : اوثــان واصـنـام
وحـكــمٍ عـلــى نـهــج الشـريـعـة يـكـبّـه
وش حيلته لا عوّد : ارفـات وعظـام
يلـقـى حـصـاده مـثـل : حـرثـه وحـبّــه
القـبـر مــا عـنــده : عمـالـيـق واقـــزام
(جام الغضب) فوق المخالف يصبّه
وحكم القدر يصدر كما حكم الاعدام
ولا يـنـفـع الـدكـتـور : عـلـمـه وطـبّــه
وتبقـى حضـارات الامـم مثـل الاهـرام
تـشـهـد عـلــى جـمــع الـعــدا والاحـبّــة
سلمان بن مزيبن
رد مع اقتباس
رد: العدا والأحــــــــــــــــبه!!
