جاك قلبي والعطا مبداه طيب
جاك قلبي والعطا مبداه طيب
والمشاعر كنها لك مبخره
لعنبوا كف الغلا لوهو صويب
كان ماخصك من الشي اكثره
من تمنى خافقي بعدك يشيب
وانت لو تدري ترى ماتهجره
خافقن حبك وسماك النصيب
عبره يابعد روحي عبره
والله ان الصدر يالغالي رحيب
غير امر الشوق منهو يقدره
اشهد ان الشوق حاله حال ذيب
في خفوقي مابقى الا يقبره
لوضحكت القلب ياكم له نحيب
حلم عاشق قل منهو فسره
صار مجلاسي سبايبك الشعيب
عاشقن شاعر خويه دفتره
ومن بلاه الله بعدك يالصحيب
مايلام الليل لوهو يسهره
اشهد ان الهجر له زولن مهيب
خايفن عرق المواصل يبتره
وانت في عيني سما عن كل عيب
لانك اسمى من عيوني تنظره
بين امل اشراقة الشمس ومغيب
حزن كامن في فؤادي دمره
عايشن في دنيتي عله يصيب
حظ عاثر مدري وشهو آخره
ويادموع العين يكفيك الصبيب
لو جروحي كل ابيها امبعثره
عاذل العشاق ماهو بالاديب
كم تمنى كل عاشق ينحره
وانت ياحالن غدى حالن كئيب
مانفعني فيك كثر الثرثره
ماتطيب اجروح قلبي ماتطيب
غير يوم القاه عمري واسكره
ابوشامي
رد مع اقتباس
