قالت ترى منت بحلو قلت رجال
قـالـت تــرى مـنـت بحـلـو قـلـت رجـــال
والزين ماهو من شـروط الرجولـه
الـزيــن يـلـقـى عـنــد لـبـاسـة الـشــال
والرجل زين ان كان زانـت فعولـه
قـالـت عـلامـك تـلـبـس شـمــاغ وعـقــال
انت بدوي؟قلت بدوي ومن حمولـه
مــا ألـبـس بناطـيـل لـهـا الــوان واشـكـال
وامتر الشـارع بعرضـه وطولـه
قـالــت اجـــل راعـــي مـعـامـيـل ودلال
شرب القهـاوي تحسبونـه بطولـه
كيـفـي يابـنـت الـحـضـر دلـــه وفـنـجـال
وحليـب خلفـه بالمـراح معقولـه
وحــب الـكـرم والـجـود وعـلـوم الابـطــال
مغروس فينا مـن زمـان الطفولـه
قـالـت تــرى بـنـت الـبـدو حظـهـا مـــال
قلت احذري حذرا تكونـي جهولـه
بـنـت الـبـدو يابـنـت مـضــرب لـلامـثـال
فوق الجمـال وطاعـة الله خجولـه
مـاحـطـت اصـبــاغ ولا حـطــت ظـــلال
ولا سيرت بالسـوق سيـر مهبولـه
هــي مـهـرةٍ تصـعـب عـلـى كــل خـيـال
وانتي ومثلـك عسفهـن بالسهولـه
قـالـت تـغـزل بــي وشــف حـبـة الـخــال
ناظر عيوني والرمـوش الكسولـه
قـلـت العـفـو مايجـتـمـع حـــب وهـبــال
ولكـل ذوق فالمزايـيـن جـولـه
قلـتـي وقـلـت وكـلـمـة الـصــدق تـنـقـال
الزين ماهو من شروط الرجوله
اعجبتني هذه القصيده فنقلتها لكم
رد مع اقتباس
المشاركة الأصلية كتبت بواسطة الزامل
