حوار شعري دار بيني وبين النقيب محمدبدر العوفي الحربي
الحقيقه ان هذا الرجل لا اعرفه ولكن اتشرف بمعرفة مثله
المهم ان هناك حصل خطا في تسجل اسماء لدوره معينه
ولم يضاف اسمي وفات الاوان ولكن بفضل الله
اعطاني احد الاخوان رقمه وارسلت له بيتين من الشعر
ياصاحبي للنخل بالحر فيه = ضله يضلل لاحما الوقت وازداد
وحرب ترد التايهه والعصيه =للطيب طيب وللخطا سهم وزناد
= فرد
المرجله تبغى عزومن قويه =الله يجنبنا الخطا والتنقاد
واللي لربعه مابراسه حميه=عساه ما يضني ولا ينجب اولاد
ويوم انها ياصاحبي في يديه=تمت وبللسته معك تسعة افراد
ترشيحكم صار السبب للبقيه= ومن يستفيد يفيد والطيب يزداد
رديت عليه
يامرحبا عد المزون الرويه =وعداد شهر الصوم لا حل وانعاد
بك ياسليل المجد راع الحميه=حفيدقوم(ن) نورهم دوم وقاد
انا حمول الوقت زادت عليه=والهم ناش بحبة القلب وازداد
والحمد لله فزعتك جت قويه =وانا رسول الشكر عن كل الافراد
جتني علومك قبل ترسل عليه= يرحم كريم عقبك يابن الاجواد
فرد
يامرحبا عد المزون العذيه =وعداد من صام الشهر يابن الاجواد
ولاعليكم زود ياهل النقيه = امجادكم ترفع على روس الاشهاد
وشعيل حتى لوحموله عتيه=يشتالها متنه بصـــــــــبر وتجلاد
يابوعلي مابه قلوبن خليه =دنيا الشقا يبغا لها صبر وجهــــاد
وهذي تراها من حقوقك عليه=وعن لازمي ماني مجنب ولا صاد
وطيبي مع الاجناب ماهوب ليه = اخاف لا ينقال حربي ولا فاد
رد مع اقتباس
