فديت قلب خيالي

ضعت في حبك وضيّعني خيالي ... قمت أصور بالوله ايدك بايديّه

حلم قربك مثل حلمك في وصالي ... واللقا ما به حقايق واقعيّه

ينفضح شوقي إذا زاد انشغالي ... وباقي القصّة معانيه اخفيّه

ما قدرت ألقاك يا غاية سؤالي ... وما قدرت أخفي شعوري لو شويّه

والله إني مبتلي بحلمي الخيالي ... والجروح تصيح والحالة رديـــّة

خفت لما غبت يا عمري ليالي ... وحرقة الأشواق عن مليون كيـّه

لو دريت اش صار فيني وش جرالي ... كان عشت العمر في قربي هنيّه

غيرتي تذبح خفوقي ما تبالي ... ما احتمل لاجلك تنافسني بنيـّة

قسوة جروح الغلا فوق احتمالي ... و عيّت دموعي تخفّفها عليّه

ودي أحكي لك وأشكي لك يا غالي ... ودي أحكي لك عن الاشواق فيّه

ما ملكت الحسن ولا فقت بجمالي ... بس لي قلبٍ نذرته لك هديـّه

لو تمر سنين عمري واللّيالي .... ما أخونك دام فيني الروح حيـّه

يا عسى الأيام تجمعنا و تــالي ... تحكي الفرحة مشاعرنا الوفيّه

تصبح الاشواق في قربك حلالي ... و ارتوي من نبع قلبك واتفيّـا

قلت "أحبّك" ما بقى لصبري مجالي وفاض قلبي يشكي جروحه لـخـــويّه


مما راق لي ..

يسلمو اختي ع الابيات الرائعه

صح لسانك

غيرتي تذبح خفوقي ما تبالي ... ما احتمل لاجلك تنافسني بنيـّة

قسوة جروح الغلا فوق احتمالي ... و عيّت دموعي تخفّفها عليّه

تسلم ايدك على النقل يالبسمة..

بارك الله فيك على هذا النقل الجميل

قصيده جميله جدا
واختيار موفق
بارك الله فيك

يسلمو اختي ع الابيات الرائعه

صح لسانك

حياك الله أخي برنس شاكرة لك هذا التواجد الجميل ..

غيرتي تذبح خفوقي ما تبالي ... ما احتمل لاجلك تنافسني بنيـّة

قسوة جروح الغلا فوق احتمالي ... و عيّت دموعي تخفّفها عليّه

تسلم ايدك على النقل يالبسمة..

حياك الله أختي حربية كيووت شاكرة لك هذا التواجد الجميل ..