ثبت عقالك وانتهض ياهيه !

عدَيت عن صدر الهجوس وشفتلي بآخر مدا..
تفني سنيني وادري اني مامشيتك يالضياع..

هذا انت ياللي كل ماراحت بك ادروبك سدا..
وش بك.؟؟ ترد الصدق يومك ماقدرت المستطاع..

ثبت عقالك وانتهض ياهيه! عن وجه الردا..
ماني وانا بنت الشجاع ارضي باقل من الشجاع..

لا صار ماله فالمجالس ذكر ونعوم وندا..
عزالله اني مالتفت للتبع! واصوات الرعاع..

مادامت عيوني وخفاقي ع الدرب جهدا..
اقسمت بأني عن حدود القاع في مد ارتفاع..

وان عدت ماتفهم مضامين الخبر والمبتدا..
ضم البحر في وسط عينك واطلق ايامك شراع..

كم كنت اثور من الشجاعه والحميه واهدا..!
لاشفت كيف الكثره تغَير موازين الصراع!

ليتك رحلت ولا اختلفت وليت ماوقتي حدا..
وليت السنين الغابرات تكف عن ذنب الوداع..

الشمس ذبح الليل والريح وانكسارات الصدا..
ولولا انعتاق الصبح ماكانت محاديرالشعاع..

ولوعذرك الواهي حكى للصمت والشادي شدا..
مشيت دربك يارفيع القدر ماجاك انهزاع..

وان قلت يالبا عيونك وش اسوق من الفدا..
جزمت باني ماطلبتك شي وان مثلي يطااع..


مما راق لي ..

وان عدت ماتفهم مضامين الخبر والمبتدا..
ضم البحر في وسط عينك واطلق ايامك شراع..

[glow=ccff66]
ليتك رحلت ولا اختلفت وليت ماوقتي حدا..
وليت السنين الغابرات تكف عن ذنب الوداع..

[/glow]

شكر وتقدير لك يالبسمه

قصيده رائعه
بارك الله

شكرا على النقل